{DAAWO SAWIRADA} Muuqaal: Koox Hubeysan Oo Xabado La Dhacay Baska Fenerbahce Ka Dib Guushoodii Kulankii Shalayto.

0
362

_82129977_bullet2

Baska kooxda Fenerbahce ayaa waxaa xabado la dhacay kooxo hubeysan ka rib markii kooxda hogaamineysa horyaalka Turkiga ay 5-1 kaga badiyeen kooxda Rizespor.

Darawalka gaariga ayaa loo qaado cusbital laakiin ma jiraan ciyaartoy ku dhaawacantay weerarka, taasoo dhacday markii ay u safrayeen garoonka diyaaradaha Trabzon.

Ra’isal wasaaraha dalka Ahmet Davutoglu ayaa sheegay in baaritaano lagu ogaanayo cidii ka danbeysay falkaan uu socdo.

_82130004_bullet3

Xiriirka kubada cagta Turkiga ayaa cambaareeyay weerarkaan, waxaana madaxa kooxda Mahmut Uslu uu sheegay in dhacdadaan ay aheyd mid aad u qaldan.

“Waxaan u nimid inaan isboorti ciyaarno, waxaan u nimid inaan kubad ciyaarno” ayuu yiri Ulsu.

Meeyarka Trabzon oo ku taala waqooyi bari Turkiga ayaa markii hore sheegay in baska uu u muuqday in dhagxaan lagu tuuryeeyay, laakiin warbixin labaad oo uu baahiyay ayaa lagu sheegay inay xabad aheyd.

_82129981_bullet4

“Xaalada ugu danbeysa ayaa u muuqata inay aheyd in qori lagu weeraray baska” ayuu meeyar Abdulcelil Oz sheegay. “Waa waqti hore, laakiin waxa ay u muuqataa xabad laga soo riday qoriga shiishka dheer.”

Taageerayaal badan oo Fenerbahce ah ayaa kooxdooda ku sugayay garoonka diyaaradaha Istanbul si ay dib u soo dhaweeyaan ciyaartoydooda.

Madaxweynaha Turkiga Racep Tayyip Erdogan ayaa ah taageere Fenerbahce, waxaana lagu waramayaa inuu wacay dowlada hoose si uu u weydiiyo baaritaanka dhacdadaan.

_82129832_bullet1

Fenerbahce ayaa heysata horyaalka dalka, waxaana ay ku guuleysteen 19 jeer, iyadoo xiddigihii hore ee Premier League Dirk Kuyt, Emre iyo Raul Meireles ay u ciyaaraan.

Kooxda Istanbul ka dhisan ayaa hogaanka qabatay ka dib guushoodii shalayto, waxaana ay hal dhibic ka sareeyaan kooxda ay aadka u xafiiltamaan ee Galatasaray.