Madaxweynaha Soomaaliya Oo Manta Si Rasmi ah U Furay Shirka Gobolada Dhaxe Ee Dalka

0
301

Wada Hadalo Mudo dhor maalmood ah qaatay kadib madaxweynaha Jaamuriyada Federaalka ee Soomaaliya Mudane Xasan Sheikh Maxamuud ayaa maanta ku guuleystay In uu furo shirka Maamul Usameynta gobolada dhexe.

Munaasabad aan caadi ahayn oo ay kasoo qeyb galeen Odayaasha dhaqanka Labada Gobol Saxiixayaashii Maamulka Gobolada dhexe, mushraxiinta isu soo taagta Madaxtinimada Maamulka Gobolada dhexe oo dowlada Federaalka ee Soomaaliya ay goob joog ka ahayd ayaa maanta ka dhacday Xarunta shirka Maamul Usameynta gobolada dhexe ee Cadaado taa oo Madaxweynaha Soomaaliya si rasmi ah uga furay shirka maamulka Loogu sameynayo gobolada Mudug iyo Gal-gaduud ee Bartamaha Soomaaliya.

Saxiixayaasha Maamulka loo sameynayo goboladan, Gudoomiyaha gudiga Farsamada Maamul Usameynta gobolada dhexe. iyo salaadiinta beelaha gobolada Mudug iyo Gal-gaduud ee Munaasbada ka qeyb galay ayaa ugu horeyn ka hadlay Madasha.

Gaban-gabadii wasiirka arrimaha Gudaha iyo Federaalka Xukuumada Soomaaliya Abdirahman Mohamed Husein Odawaa ayaa hadal kooban ka jeediyay iyadoo uu munaasbada soo xiray islamarkaana uu si rasmi ah u furay shirka Maamul Usameynta Gobolada dhexe Madaxweynaha Jamuuriyada Federaalka ee Soomaaliya Mudane Xasan Sheikh Maxamuud oo ku amaanay bulshada gobolada mudug iyo galgaduud gaar ahaan kuwa reer cadaado sida ay ugu heegan yihiin in ay helaan maamul iyo dowlad goboleed ay tilmaameen in ay noqon doonto mid asataan u noqon doonta gobolada dhexe ee soomaaliya ee mudug iyo galgaduud.

DSC05384 DSC05404 DSC05407 DSC05408 DSC05409 DSC05411 DSC05412 DSC05413 DSC05414 DSC05416 DSC05418 DSC05420 DSC05422 DSC05425 DSC05427 DSC05428 DSC05432 DSC05433 DSC05435 DSC05437 DSC05439 DSC05440 DSC05441 DSC05446 DSC05448 DSC05449 DSC05450 DSC05451 DSC05457 DSC05460 DSC05461 DSC05464 DSC05472