Rafael Benitez Oo Ugu Cad-Cad Inuu Shaqada Manchester City Ka Badali Doono Manuel Pellegrini

0
287

 

Manchester City ayaa si layab leh liiska tababaryaaasha ay dooneyso iney ku badasho macalinka cadaadiska uu saaran yahay ee Manuel Pellegrini kusoo dartay Rafael Benitez oo qudhiisa qarka u saaran inuu ka hayaamo Napoli.

 

Kooxda difaacaneysa horyaalka Premier League-ga ayaa dooneysa iney qandaraas hal sano ah la gasho Rafael Benitez si uu kooxda u maamulo iyadoo damacsan in sanad kadib ay Etihad keento Pep Guardiola oo markaas ay u dhamaan doonton qandaraaska uu kula jiro Bayern .

Benitez oo ah macalin soo leyliyay kooxaha Liverpool iyo Chelsea waayahiisa tababaranimo ayaa laga yaabaa inuu kusoo laabto EPL-ka isagoo maamuli doona City.

Manchester City ayaa rajeyneysa iney iska ceyriso Manuel Pellegrini marka uu dhamaado xagaagan sida ay ka dhawaajisay Daily Star, waxeyna kooxdaan la kulantay lix guuldaro 9-kii kulan ee ugu dambeeyay tartamada oo dhan.

Ugu dambeyntii Pep Guardiola ayaa diirada u saarnaa City, balse macalinka reer Spain wuxuu xaqiijiyay inuusan xagaaga soo aadan ka tageynin kooxda ku ciyaarta Allianz Arena.

Rafael Benítez sad to see Chelsea reign end after Europa League success - video