{DAAWO SAWIRADA} Daladaha Waxbarashada Oo Ka Hadlay Imtaxaan Mideysan Ee La Qaado

0
388

Kulan ay Maanta Muqdisho ku Yeesheen Dalladaha Waxbarashada Dalka oo ka koobnaa 12 dalladood ayay uga hadleen soo gaba-gabeynta Sanad-dugsiyeedka 2014/2015 iyo xaaladda Waxbarasho ee Dalka iyo Aragtidooda ku aaddan in Imtixaan midaysan laga qaado iskuulada waxbarashada Soomaaliya, waxayna sheegeen inaysan xilligan suuro-gal ahayn in imtixaan mideysan laga qaado iskuulada dalka, duruufo jira awgood.

Sido kale Waxaa kulanka ka hadlay Maxamed Cali oo ka socday Dalladda SAFE ayaa sheegay in muddo 25-sano ah ay gacanta ku hayeen Waxbarashada Dalka, isagoo xusay inaysan maanta ogolaan doonin in loo gacan-dhaafo howlaha Waxbarashada ay mudadaas soo wadeen.

Diini Axmed Diini oo ku hadlayey magaca SOSCENSA ayaa isna ka sheegay kulanka in mar la fiiriyo Caalamka aysan wax shaqo ah ku lahayn dowladuhu Waxbarashada gaar loo leeyahay, balse waxay u jeedin karaan talooyin ku aaddan hannaanka goobaha laga dhisayo dusgiysada waxbarashada iyo wixii kale ee ay dowladda uga baahan yihiin.

Daladaha Waxbarashada ee Kulanka ka qeyb galay ayaa ahaa’

Dalladaha kulanka ka qaybgalay waxay kala ahaayeen:

  1. SAFE Schools Association for Formal Education
    02. FENPS               Formal Education Network for Private Schools
    03. SOFEL                Somali Formal Education Link
    04. SOFE       Schools Organization for formal Education
    05. FPNES               Formal Private Education Network in Somalia
    06. SOFEN     Somali Formal Education Network
    07. SOFPEN   Somali Formal Private Education Network
    08. ABUHA     Academic Private Education Umbrella in Horn Africa
    09. SEDA       Somali Education Development
    10. MEU          Al ma’ m un Education Umbrella
    11. SNEFA       Somali Network Education For All
    12. SONI         Somali Network Institute

War-saxaafadeed laga soo saaray kulanka ayaa lagu sheegay in Dalladaha iyo guud ahaan bahda Waxbarashada dalka iyagoo xog-ogaal u ah xaalada uu dalku marayo waxay cadeynayaan inaysan suuro-gal ahayn in la qaado imtixaan mideysan sababaha soo socda aawadood;

  1. Xaaladda nabadgeliyo ee dalka ka jirta aawgeed.
    2. Iyadoo aysan jirin diyaargarow ku filan oo imtixaan mideysan lagu qaadi karo.
    3. Iyadoo uusan weli jirin xeerkii waxbarashada gaarka loo leeyahay.
    4. Iyadoo uusan jirin Manhaj mideysan oo dhameystiran.
    5. Imtixaanka oo hal mar aan wada-gaari karin meelaha ay Iskuuladu ku yaalaan.
    6. Iyadoo uusan jirin imtixaan mideysan oo ay Wasaaradda iyo Dalladaha ku heshiiyeen.

Gudiga Wax Barashada.1JPG Gudiga Wax Barashada.2JPG Gudiga Wax Barashada.3JPG Gudiga Wax Barashada.4JPG Gudiga Wax Barashada.5JPG Gudiga Wax Barashada.6JPG Gudiga Wax Barashada