{DAAWO SAWIRADA} Wasaaradaha Warfaafinta Soomaaliya iyo Suudaan oo heshiis wada saxiixday

0
174

Barnaamijkan fulinta ah ee ay wada saxiixdeen Wasaaradaha Warfaafinta Dowladaha Soomaaliya iyo Suudaan ayaa waxa uu daba socdaa hishiis iskaashi oo ay horay u wada gaareen labada wasaaradood kaas oo la saxiixay sanadka markuu ahaa 2007, isagoo hishiiskaas hirgalay sanadka markuu ahaa 2010 oo ahayd markii ay Baarlamaanka Dowladda Suudaan ansaxiyeen.

Barnaamij fulineedkan ayaa waxa uu si rasmi ah u bilaabanayaa bilowga sanadka soo socda ee 2016 kaas oo lagu balansan yahay in la hirgaliyo dhamaan qodabadii lagu hishiisayay sanadkii 2007.

Dowladda Soomaaliya gaar ahaan Wasaaradda Warfaafinta waxaa dhinacooda u saxiixay Agaasimaha Guud Mudane Cabdirisaaq Cali Yoosuf  Bahlaawi halka dhanka Dowladda Suudaana uu u saxiixay Agaasimaha Guud ee Wasaaradda Warfaafinta Mudane Cabdulmaajid Haaruun Cabdulmajiid.

Waxaana hishiiskaas goobjoog ka ahaa Wasiirka Warfaafinta Dowladda aan walaalaha nahay ee Suudaan Dr. Axmed Bilaal Cusmaan iyo wafood iyo mas’uuliyiin labada dhinac ka kala socotay.

Dhanka kale Agaasimaha Guud ee Wasaaradda Warfaafinta Soomaaliya  ayaa gudoonsiiyay Wasiirka Warfaafinta Suudaan dhambaal uu ka siday Wasiirka Warfaafinta Dalxiiska iyo Dhaqanka ee Soomaaliya Mudane Maxamed Cabdi Xayar Maareeye.

Wasiir Axmed Bilaal ayaa ka mahadnaqay fariinta uu soo gaarsiiyay dhigiisa Soomaaliya isaga oo dhankiisa ka dalbaday Agaasimaha in salaan qaayo badan laga gaarsiiyo walaalkiis Maareeye.

Dowladaha Soomaaliya iyo Suudaan ayaa u muuqata in markii ugu horaysay muddo ku dhaw 30 sano ay xariirkii dhaqan iyo midkii warfaafineed ay dib boorka uga jafayaan.

Booqashadii wafdigii Wasaaradda Warfaafinta Soomaaliya ayaa maanta si rasmi ah usoo gabagabeeyay

DSC01160DSC01176DSC01171DSC01170DSC01168DSC01162DSC01166DSC01164
DSC01163

DSC01180DSC01203DSC01201DSC01200DSC01199DSC01198DSC01197DSC01196DSC01195DSC01194DSC01193DSC01192DSC01191DSC01190DSC01189DSC01188DSC01187DSC01185DSC01184DSC01183DSC01182