{DAAWO SAWIRADA}Wasiirka Arrimaha Gudaha Maamulka PuntLand Oo Columbus Kula Kulmay Jaaliyadda Soomaaliyeed Ee Magaaladaasi

0
224

Xaflad lagu soo dhaweynayay Wasiirka Arrimaha Gudaha Maaamul Goboleedka soomaaliyeed ee PuntLand Ahmed Cilmi Cismaan (Axmed Karaash) ayaa waxaa ka soo qeyb galay qaar ka mid ah Jaaliyada soomaalida ee Magaalada Columbus dalka Mareykanka.

Isu imaatankani oo isugu jiray Xog waraysi iyo soo dhaweyn ayaa wax ka hadlay xubno ka tirsan Culumaa’udiin,Siyaasiyiin,iyo Odayaal dhaqameed, waxaana si aan kala har lahayn  ay u muujiyeen sida ay ugu faraxsanyihiin in ay magalada Columbus ku soo dhaweeyaan Wasiirka oo lagu tilmaamay in uu wax fara badan ka qabtay Deegaanada Puntland.

Sheikh Muqtar Xassan oo ka mid ah Culimada magaalada Columbus oo ka hadlay Xaflada ayaa sheegay in ay wanaagsan tahay in soo dhaweyn iyo wada shaqaynba loo muujiyo qof kasta oo Mas,uul ah hadii uu ahaa lahaa mid Goboleed iyo Mid Dowlada  dhexe ka socda intaba, laakiin waxaa uu carabka ku adkeeyay in jiritaanka Soomaalinimadu ay tahay arin muqadas ah islamarkaana ay wax walba ugu horeyso in arintaas uu qof kasta maskaxda ku hayo.

Ibrahim Xajji Maxamud (Ibrahim Baroon) oo isaguna ka hadlay Goobta ayaa sheegay in ay gacmo furan iyo qalbi wanaag ay ku soo dhaweynayaan Wasiirka asagoo intaas raaciyay in ay ka dhageysan doonaan wixii war bixin ah ee uu wasiirku uga wado guud ahaan Dalka Soomaaliya gaar ahaana deegaanada Puntland ayna fari doonaan talo iyo Tusaalooyinka uga aadan sidii lagu sii hor marin lahaa Dalka.

Inkastoo ay dad fara badan ka hadleen Xaflada hadana waxaa ay inta badan ka sinaayeen in loo baahan yahay sidii ay Ummada Soomaaliyeed uga wada shaqeyn lahayd midnimada iyo wada jirka taas oo ah mida kaliya ee lagu heli karo Dowlad buuxda oo hanata guud ahaan dalka.

Gaba gabadii xaflada ayaa waxaa ka hadlay Wasiir Ahmed Cilmi Cismaan (Axmed Karaash) oo war bixin dheer oo dhinacyo badan taabanaysa u jeediyay ka soo qeyb galayaasha kulanka waxaana uu Wasiirku sheegay in horu maro fara badan laga sameeyay deeganada Puntland laakiin ay arintu tahay Faanoole fari kama qodna oo uu ku micneeyay in wali ay taaganyihiin arimo u baahan in xal loo helo.

Waxaa uu ugu baaqay Jaaliyadaha dibada ee ka soo jeeda Puntland in looga fadhiyo laakin ta ay ku leeyihiin horumarinta Dalka asagoo tusaale ugu soo qaatay in ay jirto baahi loo qabo in la helo gaadiidka Gurmadka deg dega ee Caafimaadka iyo Bad Damisyada.

Ugu dambayntii waxaa uu uga mahad celiyay Jaaliyada magaalada Columbus sida wanaagsan ee ay usoo   dhaweeyeen isagoo sheegay in uu u gudbin doono Maamulka uu Wasiirka ka yahay ee Puntland wixii talo iyo Tusaalooyin ah ee  ay Jaaliyadu usoo gudbiyeen, Xaflada ayaa waxaa qeyb ka ahaa Heeso lagu amaanayay waxqabadka Dowlad Goboleedka  Puntland.

IMG_9331IMG_9346IMG_9363IMG_9367IMG_9392IMG_9405IMG_9412IMG_9415IMG_9428IMG_9434IMG_9437IMG_9439IMG_9441IMG_9451IMG_9458IMG_9467IMG_9486IMG_9495IMG_9538IMG_9543IMG_9554IMG_9558