{DAAWO SAWIRADA} Booliiska Iran oo Sabab layaab leh u xiray Nin aad ugu eg Lionel Messi

Booliiska dalka Iiraan ayaa magaalada Hamaden ee dalka Iiraan ku xiray nin dhalinyaro ah oo u dhashay dalkaasi , ninkan la xiray ayaana muuqaalkiisa aad ugu eg yahay ciyaaryahanka Dunida ugu laacibsan ee Lionel Messi.

Reza Parastesh, 00 25-sano jir arda ah ayaa muuqaalkiisa aad ugu eg Meesi, waxa uuna ninkan mashquul badan ka abuuray magaalada Hamaden kadib markii dadka qaar u qaateen in uu yahay Messi ayna ku mashquuleen in sawiro la galaan ninkan.

Ciidamada booliiska ayaa ninkan u eg Messi iyo gaarigiisa ku xiray saldhig booliis si ay u joojiyaan jahwareer badan oo ka dhashya dad badan oo doonayya in ninkan sawiro la galaan maadaama uu aad ugu egyahay Messi.

Booliiska ayaana sheegay in sababta ay ninkan u xireen ay tahay in uu abuuray jahwareer badan ayna dad badan kusoo xoomeen si ay sawiro ula galaan, waxa uuna ninkan noqday nin hada si weyn looga bartay caalamka.

Ninkan u dhashay dalka Iiraan ayaa Warbaahinta Caalamka qabsaday kadib markii si weyn ugu ekaaday Messi, waxa uuna ninkan garka u jartay qaabka Messi isaga oo sameeyay sidoo kale tilaabooyin badan si Messi ugu ekaado.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com