Cali Khaliif Galeyr oo ka hadlay waxa laga Faa’iidi karo Heshiiska ay la gaareen Somaliland

0
4

Madaxweynaha Maamulka Khaatumo Cali Khaliif Galeyr ayaa ka hadlay heshiis shan qodob ka kooban oo shalay magaalada Hargeysa ku kala saxiixdeen Maamulka Somaliland iyo Maamulka Khaatumo State kadib wadahadalo mudo socday.

Cali Khaliif Galeyr oo hadal ka jeediyay madashii labada dhinac Heshiiska ku kala saxiixdeen ayaa guul ku tilmaamay Heshiiska la gaaray, waxa uuna tilmaamay in loo baahnaa Khilaafka siyaasadeed ee jiray in lagu dhameeyo xal siyaasadeed la iskuna soo dhawaado.

Waxa uu sheegay in dhinacooda ay mar walbo diyaar u ahaayeen in wadahadal iyo is fahan lagu dhameeyo wax walbo, waxa uuna Heshiiska hada la gaaray tilmaamay in faa’iido badan ugu jirto labada dhinac ee Somaliland iyo Khaatumo.

Cali Khaliif Galeyr Madaxweynaha Khaatumo ayaa cadeeyay in aysan cidna marti u noqoneyn, waxa uuna intaa raaciyay in muhiim tahay loona baahan yahay in umada lagu hogaamiyo nabad wada noolanasho , Sinaan iyo Cadaalad .

“Cidii fileysa in hoosta nala gelinayo, cidna marti u noqon meyno, si cad baan ku heshiineynaa oo wax aan wada leenahay ayaa dhiseynaa, ama si cad ayaa ku kala tageynaa, waxay u egtahay in si cad in lagu heshiin doono” Ayuu yiri Cali Khaliif.

Waxa uu sheegay in Faa’iidada laga heli karo in la heshiiyo in ay ka dhalaneyso in la helo ictiraaf ama aqoonsi uu helo Maamulka Somaliland, waxa uuna tilmaamay hadii kalsooni bilaabato Aqoonsiga la raadinayo in meeshoodo ugu imaanayo Somaliland.

” Aniga waxaa qabaa hadii aan heshiino oo wax wada yeelano, kalsooni bilaabato, ictiraafka loo gar-guurto waa ka koreynaa, wey ii muuqataa waxa ay u baahan tahay Somaliland , walee meesheena naloogu imaan hadii aan midowno oo wada jiraan dadka dhulkan degan” Ayuu yiri Prof Galeyr.

Maamulka Somaliland iyo Khaatumo ayaa ugu dambeyn wadahadalo mudo badan socday kadib waxa ay shalay hesgiis 5-qodob ka koobnaa ku kala saxiixeen magaalada Hargeysa, waxa ayna u muuqataa in Khaatumo ay ku biiri doonto maamulka Siomaliland.

LEAVE A REPLY

Please enter your comment!
Please enter your name here