Sunday, June 25th, 2017
Advertisements
Advertisements

{DAAWO SAWIRADA} Dayactir lagu sameynayo wadada isku xirta Jowhar iyo Muqdisho

Published on June 18, 2017 by   ·   No Comments

Madaxweyne ku xigeenka Hirshabeelle Cali Cabdulaahi Xuseen iyo Wasiiru Dowlaha Maaliyada Dowlada Federalka Maxamuud Xayir Ibraahin ayaa si wadajir ah u  dhagax dhigay dayactir lagu sameynayo wadada isku xirta magaalada Jowhar iyo magaalada Muqdisho.

Munaasabada lagu dhagax dhigayay dayactir lagu sameynayo wadada isku xirta magaalada Jowhar iyo deegaanka Kongo oo lagu qabtay magaalada Jowhar ayaa waxaa ka soo qeybgalay Wasiiro,wasiir ku xigeeno, xildhibaano, maamulka gobolka Sh/dhexe iyo khubarada dhismaha wadooyinka.

Wadada la dhagax dhigay ayaa ah qeybta koowaad ee dayactir lagu sameynayo wadada isku xirta magaalada Jowhar iyo Muqdisho waxaana qorshaha koowaad uu yahay in la dayactiro illaa 5km iyadoo howsha dayactirkana ay socon doonto muddo 4 bilood ah.

Guddoomiyaha gobolka Sh/dhexe Axmed Meyre Makaraan ayaa soo dhoweeyay bilowga dayactirka maadaama shacabka ay dhibaato ku qabaan isagoo u mahadceliyay dowlada federalka Soomaaliya.

Wasiiru dowlaha Maaliyada dowlada federalka Soomaaliya Mudane Maxamuud Xayir Ibraahim ayaa sheegay in mashruucan lagu dayactirayo uu yahay SFF LD kaasoo ah in lagu tayeeyo kaabayaasha dalka waxana la doonayaa in laga hirgeliyo 13 gobol oo dalka ah.

“Wadadan waxbadan ayay u tari doontaa dadka Soomaaliyeed ee ku nool gobolka Sh/dhexe waxaana dhagax dhigan tusaale u yahay in ummada Soomaaliyeed ay ka shaqeynayaan horumar halka dad badan ay ka hadlaan gaajo iyo macluul taasina waxa ay muujinaysaa in dowladeenu hore u socoto maamul goboleeyaduna dhismayaan.”ayuu yiri Wasiiru Dowlaha Maaliyada Dowlada Federalka Soomaaliya.

Ugu dambeyntii  waxaa ka hadlay munaasabadan dhagax dhiga Madaxweyne ku xigeenka Dowlada Federalka Soomaaliya Cali Cabdulaahi Xuseen  ayaa sheegay in mashruucan lagu dayactirayo wadadan ay soo socotayy muddo dheer uuna ku faraxsan yahay in maanta la dhagax dhigo waddo 5km ah.

“Dowlad Goboleedka Hirshabeele baahi weyn ayay u qabtaa in wadooyinka wax laga qabto waayo dhibaato ayay ku tahay shacabka isu socodka wadooyinka oo burbursan awgeed.”ayuu sii raaciyay Madaxweyne ku xigeenka Hirshabeelle.

Shirkadda SECCO oo ah shirkadda fulinaysa mashruuca lagu dayactirayo wadada ayaa  waxay ka howlgashaa dhamaan gobolada dalka si gaar ah koonfurta Soomaaliya. Waxayna kamid tahay shirkadaha dhismaha dalka taas oo loo abuuray sidii ay uga qeyb qaadan laheyd dhismaha, hormarinta iyo dib u dhiska dalka isla markaana waxay shaqo abuur u sameysaa dhalinyarada Soomaaliyeed.

Ma aha markii ugu horeysay oo ay shirkadda SECCO ka fuliso howlo magaalada Jowhar waxaana ay dhawaan fulisay mashruuc wax looga qabanayey hagaajinta iyo qulqulka biyaha wabiga Shabelle gaar ahaan Sabuun iyo Xiintoy oo ka tirsan Jowhar.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA}Madaxweyne Farmaajo & Madax kale Oo Shacabka Kula Dukaday Masjidka Isbaheysiga

June, 25, 2017
Madaxweynaha Jamhuuriyadda Federaalka Soomaaliya Mudane Maxamed Cabdilaahi Farmaajo ayaa maanta salaada ciida kula tukaday boqolaal qof masaajidka isbahaysiga ...

Madaxweyne Farmaajo Oo Khudbad Xaasi Ah Ka Jeediyay Munasabada Ciida Kadidb

June, 25, 2017
Madaxweynaha dowladda Soomaaliya ayaa maanta Khudbad Xasaasi ah ujeediyay shacabka Soomaaliyeed xili uu salaadii Ciida kula dukaday Masjidka ...

Maamulka Jubaland Oo Munaasibadda Ciidda Awgeed Cafis U Fidisay 105 Maxaabiis

June, 25, 2017
Madaxwayne ku xigeenka 1-aad ee dowlad goboleedka Jubaland Mudane Max'uud Sayid Aadan oo hambalyo u diray guud ahaan ...

{DAAWO SAWIRADA}C\Wali Cali Gaas Oo Shacabka Reer Garoowe Goob Fagaare Ah Kula Tukaday Salaadda Ciidda

June, 25, 2017
Madaxweynaha dowlad goboleedka Puntland Dr. C/weli Max'ed Cali Gaas ku xigeenkiisa iyo xubno ka tirsan labada gole ee ...

Adeegga Internetka Oo Ka Maqan Caasimadda Iyo Qeybo Ka Tirsan Gobollada Dalka

June, 25, 2017
Adeegga internetka ayaa ka maqan magaalada Muqdisho iyo qeybo ka tirsan gobollada dalka, ayadoo arintan ay saameyn ku ...

Wasiirka Arrimaha Dibbadda Somalia Oo Ka hadlay Saldhiga Ay Turkiga Ka Furaneyso Somalia

June, 25, 2017
Wasiirka Arrimaha Dibadda Soomaaliya ayaa Amaanay xarunta Tabarka Military ee Turkigu uu ka Furanayo Dalka Somaaliya, taas oo ...

Raysul wasaare Dowlada Somaliya Oo Ciidda Ugu Hambalyeeyay Shacabka Soomaaliyeed,

June, 25, 2017
Raysul wasaaraha dowladda federaalka Soomaaliya Mudane Xasan Cali Khayre ayaa bulshaweynta Soomaaliyeed ugu hambalyeeyay munaasibadda ciidda barakeeysan ee ...