Friday, August 18th, 2017
Advertisements
Advertisements

{DAAWO SAWIRADA} UK oo Kor u Qaadeysa Taageerada Gargaarka ee Soomaaliya”

Published on June 19, 2017 by   ·   No Comments

Xoghayaha Horumarinta Caalamiga ah Priti Patel ayaa  ku baaqday dadaal cusub oo dheeri oo wadajir ah si looga hortago in malaayiin qof u dhintaan gaajo iyo cudur.

Wasiiradda oo ahayd qofkii ugu horreeyay ee booqda Afrika doorshadi guud kadib ayaa ammaantay sida hoggaanka UK u badbaadiyo nolosha dad badan oo soo food saartay halista gaajada.

Lakiin waxay ka digtay in dhibaatadu ay gaartay heer xasaasi ah iyo in dardargalin la’aanta dadaalada beesha caalamka ay khatar ku tahay horumarka la sameeyay iyada oo taasi ay keeni karto in dad badan ay dhintaan isla markaana khalkhal u keeni karta gobolka.

Waxaa ay caddeysay in UK ay sii wadi doonto dadaalada, iyadoo ku dhawaaqday 90 milyan oo gini oo ah taageerada aadka loogu baahan yahay taasi oo caawin doonta in ka badan 2 milyan oo qof oo ku nool Soomaaliya iyo Itoobiya oo u baahan biyo nadiif ah, cunto, iyo caafimaadka deg deg ah.

Deeqda lacagaha waxay isagu jiraan 60 milyan oo loogu tala galay Soomaaliya iyo 30 milyan oo loo qoondeeyay Itoobiya.

Soomaaliya  oo ah dal ay hareeyeen dagaallo sokeeye iyo xagjirnimo oo malaayiin qof ay ka carareen guryahooda, taageeradanada maaha kaliya caawinta dadka si ay u noolaadaan, waxaa kaloo la siinayaa fursad ay ku doortaan noloshooda iyo mustaqbalkooda si aan loogu qasbin inay ku biiraan kuwa xagjirka mise ay galaan safarka halista ah ee dibadda.

Dowladda Itoobiya waxay muujisay hogaan adag abaartii 2016 waxayna la yimaadeen in ka badan 700 milyan oo doolar si ay u daboolaan baahida dadkooda. Waxaan la shaqeynaynaa dowladda si loo hubiyo in ay si waxtar leh uga jawaabaan sanadkan, si loo qorsheeyo isla markaana mudnaanta loo siiyo ayna kor u qaadaan maalgalintooda ay uga jawaabayaan abaarta.

 Xoghayaha Horumarinta Caalamiga ah Priti Patel ayaa waxay tiri:

 “Dowladda Britain waxay horseed u tahay bixinta adeegyo halbowle u ah nolosha malaayin qof oo ku nool Soomaaliya iyo itoobiya kuwaas oo halis ugu jira macluul iyadoo laga cabsi qabo in abaartu isu bedesho musiibo.

 “Waxan soo arkay gargaark UK ay bixiso oo ah badbaadinta iyo bedelidda nolosha. Tani waxay keentaa xasilinta wadamada aduunka ugu nugul taasi oo fursad u ah dadka nugul si ay u dhisaan noloshooda sidaas daraadeedna loo sugo ammaanka UK.”

 “UK ayaa kor u qaaday taageerada isla markaana u ololeysay in bahwadaagta kalena ay taageero bixiyaan taas oo ka hortagtay faafidda abaarta. Waxaan muujinaya hogaankanaga  inagoo bixinayna cunto dheeri ah, biyo dheeraad ah iyo daawo badan oo loogu tala galay kuwa halista ugu jira inay u dhintaan abaarta iyo colaadda.”

 “Dunidu waa inay nagu dayato isla markaana an tallaabo qaadno si aan u cirib tirno dhibaatooyinka bani’aadamnimada oo halis  galiya xasiloonida caalamka isla markaana aan dardar galino horumarka nabadda iyo ammaanka- taas oo dan u ah cid kasta.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

FAAH FAAHIN DHEERAD AH:.Askar lagu dilay Magaalada Laascaanood ee Gobolka Sool

August, 18, 2017
Laba Askari oo booliis ah kana mid ahaa ilaalada goob laga qaadanayay kaadhadhka doorashada somaliland ayaa  lagu dilay ...

Dowladaha Soomaaliya iyo Jabuuti Oo ka wada hadlay hormarinta isgaarsiinta

August, 18, 2017
Wasiirka Wasaaradda Boostada, Isgaarsiinta iyo Tiknolojoyadda dalka Soomaaliya Eng. Cabdi Cashur Xasan oo maalmihii la soo dhaafay ku ...

Kulamo Xal Loogu Raadinayo Xiisada Maamulka Hirshabeelle Oo Manta Jowhar Biloowday.

August, 18, 2017
Magaalada Jowhar ee xarunta gobolka Shabeellaha Dhexe maanta waxaa ka dhacaya kulamo gaar gaar ah oo looga hadlayo ...

Maxaadna Ogeeyn Oo Ka Jiro Deegaanka Xeraale Manta?

August, 18, 2017
Degaanka Xeraale oo maalmihii la soo dhaafay xaaladiisa ay aheyd mid degan ayaa shalay gelinkii dambe waxa uu ...

Mareykanka oo ka hadlay go’aankii ay qaateen Mucaaradka Kenya

August, 18, 2017
Dowlada Mareykanka ayaa soo dhaweysay go,aanka isbaheysiga Mucaaradka Kenya ee Nasa ay qaateen oo ah in Maxkamada Sare ...

Zambia oo bukaanada lagu amray baaritaanka HIV

August, 18, 2017
Wasiirka caafimaadka ee dalka Zambia ayaa ku hanjabay inuu xiri doono xarumaha caafimaad ee gaarka loo leeyahay ee ...

Maraykanka oo markale u digay Kuuriyada Waqooyi

August, 18, 2017
Xoghayaha gaashaandhigga ee Maraykanka, James Mattis, ayaa uga digay Kuuriyada Waqooyi inay cawaaqib xun la kulmi doonto haddii ...