Goorma Ayey Manchester City Dhameystiri Doontaa Saxiixa Dani Alves?

0
5

Sida ay kusoo waramayaan warbaahinta Ingiriiska – Manchester City ayaa la filayaa iney saacadaha soo socda dhameystirto heshiiska Dani Alves.

Daafaca midig ee qaranka Brazil ayaa ogolaaday inuu heshiis laba sanadood ah ku yimaado Etihad Stadium isagoo todobaadkii qaadan doona aduun dhan 100,000 kun oo Pound.

Sunsports waxey fahansan tahay in 48-saac gudahood la dhameyn doono heshiiska ciyaariyahankii hore Barcelona kaas oo si xor ah ugu soo biiri kara Citizens isagoo kasoo hayaamaya Juventus.

Dani Alves iyo Pep Guardiola ayaa mar kale midoobi doona xilli ay afar sano oo dahabi ah kusoo wada qaateen Camp Nou intii u dhaxeysay 2008 ilaa 2012.

Guardiola wuxuu durba lacag ku dhaw 80 Malyan oo Pound kusoo xerogaliyay Bernardo Silva iyo Ederson Moares kuwaas kaga soo kala biiray Benfica iyo Monaco, balse Dani Alves ayaa la rajeynayaa inuu noqdo saxiixa sadexaad ee xagaagan kooxda City.

34-jirkaan heerka caalami waxaa sidoo kale isha la raacayay kooxaha Chelsea & Tottenham Hotspur balse wuu iska diiday si uu mar kale uga hoos shaqeeyo Pep Guardiola.

 

LEAVE A REPLY

Please enter your comment!
Please enter your name here