{HORDHAC}Germany vs Mexico Wax Walba Oo Ku Saabsan Kulanka Muhiimka Ah Ee Caawa Ka Dhici Doona Sochi

0
2

Xula difaacanaya koobka Aduunka iyo xulka difaacanaya koobka qaramada qaaradda waqooyiga America ayaa is wajahi doona caawa waana kulan xiiso badan oo aad loo wada sugayo iyadoo mid walba ay ku dadaali doonto iney tiigsato final-ka tartanka.

Mexico waxey kusoo baxeen kaalinta labaad groupka A halka Germany ay kusoo baxeen kaalinta 1-aad groupka B taasoo ka dhigan iney isku beegmeen.

Tababare Joachim Low wuxuu ka reebay xulkiisa inta badan ciyaartoydii muhiimka aheyd ee kusoo guuleystay koobkii Aduunka 2014, waxaana hogaamiye u ah xulkiisa ku sugan Russia Julian Draxler oo ka tirsan Paris Saint Germain ahna kan ugu safashada badan qaranka.

Si kastaba xulka horyaalka aduunka ah waxey muujiyeen awood dheeri ah waxeyna 7-dhibcood kaga soo baxeen group-kooda walow ay si dirqi ah kaga fakadeen Australia sidoo kalana ay barbaro la galeen Chile.

Mexico waxey meel iska saareen Portugal kulan 2-2 ku dhamaaday markaas oo ay waqtiyadii ugu dambeeyay ciyaarta heleen goolka barbardhaca.

WARBIXINTA KULANKA:

Kulanka: Germany vs Mexico

Tartanka: Confederation Cup 2017

Wareegga: Semi Final

Garoonka: Fisht Olympic Stadium

Saacadda: 9:00 Habeenimo (XGA)

MAXAA KA CUSUB LABADA XUL?

Lama oga waxa uu sameyn doono tababaraha qaranka German marka la eego shaxdiisa, madama uu siyaabo kala duwan u kala badalay intii lagu jiray wareega group-ka.

Timo Werner kaliya ayaa la filayaa inuu hubanti u yahay booskiisa kaas oo weerarka hore ka ciyara, sidoo kalana Shkodran Mustafi ayaa dib ugu soo laaban kara qaranka Germany.

Dhanka kale Mexico waxey dib u heli kartaa Javier Hernandez oo dhibaato yar ay soo gaartay bale loo maleynayo inuu taam noqon karo caawa. Andres Guardado ayaa ganaax kaga maqan, halka Diego Reyes isna shaki la galinayo madama uu dhaawacmay ciyaartii Russia.

XAQIIQOOYINKA KULANKA:

Kulankii ugu dambeeyay labadaan xul dhexmara wuxuu ahaa Confederation Cup 2005 markaas Jarmalka ay ku adkaadeen 4-3, waxeyna guul ku gaareen gool uu waqtigii dheeriga ahaa dhaliyay Michael Ballack.

Germany iyo Mexico afar jeer ayey horay u kulmeen sida ay xustay taariikhda, balse qaranka Mexico wali guul ma gaarin.

SHAXDA MACQUULKA AH:

Germany: ter Stegen; Ginter, Mustafi, Rudiger; Kimmich, Goretzka, Can, Hector; Stindl, Draxler; Werner.

Mexico: Ochoa; Layun, Araujo, Moreno, Alanis; dos Santos, Herrera, Reyes; Jimenez, Hernandez, Vela.

LEAVE A REPLY

Please enter your comment!
Please enter your name here