Intee Ku Danbeeyeen Wada Hadalada Ahlu-Suno .Galmudug Iyo Xaaf Oo Ka Hadlay?

0
3

Madaxweynaha Maamulka Galmudug Axmed Ducaale Geelle Xaaf,ayaa sheegay in maamulkiisa Galmudug iyo Maamulka Ahlu Sunna ay u socdaanw adahadallo hoose oo lagu doonayo in lagu dhameeyo khilaafka maamulka iyo Siyaasadda ah ee u dhaxeeya labad dhinac.

Xaaf,ayaa sheegay in Maamulkiisa uu rajo wanaagsan ka qabo in sida ugu dhaqsiyaha badan uu ku soo dhamaado wadahadallada labada dhinac oo uu sheegay in ay yihiin dad ehel iyo Qaraabo ah.

Madaxweynaha Galmudug ayaa markii la doortay ballan qaaday in uu miiska la fariisanayo maamulka Ahlu Sunna oo ka taliya magaalooyin ka mid ah Degaannada Galmudug oo ay ka mid tahay xarunta maamulkaas ee Dhuusamareeb.

Dhanka kale waxaa uu ka hadlay halka ay marayaan Wadahadallada Puntland iyo Galmudug gaar ahaa dadkii reer miyiga ahaa ee isku heystay daaqa islamarkaana dad isaga dilay.

Waxaa uu arrintaas ka yiri” howshaas waan dhameynay waxaan ku heshiinnay in la wada daaqo,waxaana u dirnay Ciidan iyo Odayaal dhex jooga labada dhinac oo labada dhan ka kala socda”

LEAVE A REPLY

Please enter your comment!
Please enter your name here