Maxaad kala socotaa inta mar ay kala badiyeen Real Madrid iyo Juventus oo Caawa ku balansan Fiinalka Champions League

0
3

Kulan Fiinaal ah oo aad u adag ayaa caawa lagu wadaa inuu magaalada Cardiff ku dhex maro kooxaha caanka ah ee Real Mardid oo horyaalka Spain soo qaaday iyo Juventus oo iyana heeysata horyaalka dalka Talyaaniga ee Serie A.

Labadaan kooxood oo xili Ciyaareedkaan wacdaro ka soo dhigay koobab fara badan ayaa ugu dambeyntii waxeey Finaal isla yimaadeen koobka horyaalada Yurub ee the UEFA Champions League oo Dunida aad looga xiiseeyo .

Taariikh ahaan marka la eego labadaan kooxood waxay wada kulmeen ama is arkeen 18-jeer , 8-Jeer waxaa badisay Juventus halka Real Madrid na ka badisay 8-jeer balse 2-jeer Bareejo ama barbaro ayey wada galeen .

Real Madrid oo difaacaneysa koobkaan ayaa dhanka weerarka ku xoogan balse Juventus ayaa dhanka Difaaceeda gacan loo taagay maadaama ilaa hada 3 gool oo kaliyah laga dhaliyay , walina ma laga badin xili ciyaareedkaan dhanka koobka Champions League (Final Real Madrid Vs Juventus 20:45)

 

LEAVE A REPLY

Please enter your comment!
Please enter your name here