CR7′ Oo Muddo Kadib Si Dadban Uga Hadlay Mustaqbalkiisa Real Madrid Isagoo Sheegay..

0
4

Weeraryahanka Real Madrid & qaranka Portugal Cristiano Ronaldo ayaa muddo kadib si dadban uga hadlay mustaqbalkiisa caasimadda isagoo la hadlayay wargeyska Marca ayuuna si fiican niyadda ugu dajiyay dhamaan jamaahiirta Los Blancos kana dhawaajiyay iney wacnaan laheyd inuu koobab kale kula guuleysto.

Xidiga afarta jeer heysta abaalmarinta Ballon d’Or ayaa si layaab leh loola xiriiriyay inuu ka tagayo Santiago Bernabeu madama ay soo ifbaxeen warar sheegaya inuu ka carooday kiiska cashuur lunsiga ah ee lagu soo eedeeyay.

Si kastaba Cristiano Ronalod wuxuu doonayaa inuu sii joogo Santiago inkastoo la xasuusto inuu xilli ciyaareedkii lasoo dhaafay u qaaday koobkii 12-aad ee Champions League iyo horyaalkii 33-aad ee La Liga.

32-jirkaan heshiiska uu kula jiro Real Madrid wuxuu dhamaanayaa June 202, wuxuuna doonayaa inuu farxado kale la qaato kooxdiisa.

“Inaan kooxdeyda koobab waaweyn kula guuleysto sanadkii hore waxey aheyd wax weyn, sida hadda ay u weyn tahay inaan ku guuleysto abaalmarinada shaqsiga” ayuu yiri isagoo la hadlayay Marca.

“Inaan mar kale sameeyo wey fiicnaan laheyd”

“Waa inaad si adag u shaqeysaa, sanadba sanadka ka dambeeya, waana sii wadi doonaa inaan sameeyo, kubadda cagta waa nolosheyda, waana dareenkeyga”

Ugu dambeyntiina Cristiano Ronaldo ayaa rajeynaya inuu sanadkaan ku guuleysto markii shanaad abaalmarinta Ballon d’Or.

LEAVE A REPLY

Please enter your comment!
Please enter your name here