DEG-DEG: Man City Oo Bixinaysa Lacagtii Ay Tottenham Ku Doonaysay Walker Iyo Sky Blues Oo Qarka U Saaran Dhamaystirka Saxiixa.

0
5

Manchester City ayaa isku sarre taagtay sidii ay u soo afjari lahayd isla markaana ay u soo xero galin lahayd labadii bartilmaameed ee ugu muhiimsanaa ee suuqa kala iibsiga ay ka lahayd waxayna qarka u saaran tahay in ay dhamaystirto laba saxiix oo aad muhiim ugu noqon doona Guardiola. Guardiola ayaa muhiimada kowaad ka dhigtay saxiixyada difaacyada bidix iyo midig ee  Benjamin Mendy iyo Kyle Walker, wuxuuna hadda ku dhaw yahay in uu Etihad Stadium ku helo.

Warar hadda soo baxya ayaa sheegaya in Manchester City ay ugu danbayn ogolaatay in ay bixiso lacagta 50 milyan ee gini ah ee ay Tottenham dul dhigtay saxiixa difaaca midig ee Kyle Walker kaas oo doonaya inuu Spurs iskaga baxo. Wariyaha wargayska Telegraph ee Matt Law ayaa si khaas ah u xaqiijiyay in Manchester City ay bixinayso lacagtii ay Tottenham ku xidhay ee 50 milyan ee gini ahayd si ay u hesho saxiixa Walker.

Sidoo kale Matt Law ayaa sheegay in iibkani uu labada kooxoodba faa’iido wayn u yahay isaga oo sheegay in Tottenham ay lacag badan ka helayso ciyaartoy markii horeba doonayay in uu kooxdeeda ka baxo halka uu sheegay in Manchester City ay helayso difaac midig oo heer sarre ah.

Waxayna hadda u muuqataa in Manchester City ay galayso dhamaystirka heshiiska Kyle Walker laakiin sidoo kale Manchester City ayaa qarka u saaran in ay kooxda AS Monaco kala heshiiso iibka difaaca bidix ee  Benjamin Mendy wuxuuna Sky Sports xaqiijiyay in 24 kii saacadood ee la soo dhaafay ay Man City heshiiskan ka samaysay horumar aad u wayn.

Sky Sports ayaa sheegay in AS Monaco ay 50 milyan oo gini ku doonayso heshiiska Benjamin Mendy  taas oo lamicno ah in Manchester City ay 100 milyan oo gini ku kharash garaynayso difaacyadeeda midig iyo bidix oo uu Guardiola doonaya in ay ka ciyaaraan Kyle Walker iyo Benjamin Mendy.

Manchester City ayaa doonaysa in ay AS Monaco ku qanciso dalab gaadhaya 40 milyan oo gini laakiin kooxda ree France ayaan aqbali karin wax ka hooseeya 50 milyan oo gini.Benjamin Mendy ayaa maalmihii ugu danbeeyay barihiisa bulshada soo dhigayay fariimo muujinaya in uu Premier Leaque-ga iyo Manchester City ku soo jeedo.

Monaco ayaa haddaba la soo wareegtay  badalka tooska ah Benjamin Mendy  waxayna 12 milyan oo gini ku soo qaadatay difaacii koxoda  Feyenoord ee Terence Kongolo waxayna Manchester City adeega Benjamin Mendy  u ogolaan doontaa haddii ay hesho qiimaha 50 milyan ee gini ah.

Si kastaba ha ahaatee, waxaa la filayaa in Manchester City ay dhawaan si rasmi ah ugu dhawaaqi doonto heshiisyada Kyle Walker oo jimcaha tijaabada caafimaadka mari doona  iyo Benjamin Mendy  taas oo Guardiola ka caawin doonta in uu helo dhamaan bartilmaameedyadii ugu muhiimsanaa ee uu suuqa ilaa hadda ka lahaa.

LEAVE A REPLY

Please enter your comment!
Please enter your name here