Go’aanka Wuxuu U Baahan Yahay Geesinimo Dani Alves Oo Si Dadban Ula Hadlay Xidiga PSG Lala Xiriirinayo

0
7

Daafaca midig ee Paris Saint Germain Dani Alves ayaa ku booriyay saxiibkiisa qaranka NBrazil inuu noqdo mid geesi ah oo aan cabsi muujin mark ay timaato in lala xaalo xaaladda suuqa kala iibsiga iyo inuu rikoor sare ugu yimaado kooxda ka dhisan Paris.

Dani Alves oo xagaagii 2016 kasoo guuray Barcelona una guuray Juventus ayaa xagaagan kasii guuray Turin wuxuuna u guuray Paris, balse wuxuu dareensan yahay iney geesinimo tahay go’aanada uu kaga tagay kooxahiisa.

Mid ka mid ah ciyaartoyda ugu guulaha badan dunida ayaa xalay koobkiisii ugu horeeyay la qaaday Paris Saint Germain markii ay 2-1 kaga adkaadeen Monaco kulan ka tirsan Super Cup-ka France wuxuuna ahaa dhaliyaha mid ka mid ah goolasha.

“Waa muhiim go’aankaaga, waana nuuca go’aan ee ay tahay inuu ninka ragga ah qaato. waa mid ka mid ah saaxibadeyda ugu fiican, mar walba ayaan doonaa inuu dhinaceyga ahaado, balse ma faragalin doono” ayuu yiri Dani Alves.

“Waan ka caawiyay inuu yimaado Barcelona, aniga go’aanka isaga uma qaadin balse waxaan u sheegay kaliya waxa uu Barcelona kaga helay, wuxuuna go’aansaday inuu yimaado, go’aanka wuxuu u baahan yahay geesinimo, aniga waxaan ahay qofka ugu geesisan dadka oo dhan”

“Waa go’aan ay tahay inaad si taxadar leh u qaadato balse waa inaad noqoto anaani, hadii aan hal talo ku siinayo waxey noqon doontaa: Noqo mid geesi ah aduunka waxaa iska leh kan geesiga ah”

 

LEAVE A REPLY

Please enter your comment!
Please enter your name here