Saturday, November 18th, 2017
Advertisements
Advertisements

Iska horimaad sababay dhimasho iyo dhaawac oo ka dhacay deegaan Hoostago Balcad

Published on July 17, 2017 by   ·   No Comments

Wararka ka imaanaya degmada Balcad ee gobolka Shabelaha Dhexe ayaa sheegaya in maleeshiyo beeleed hubeysan uu dagaal ku dhex maray deegaan dhinaca Galbeed ka xiga qiyaastii 15km degmada Balcad.

Iskahorimaadkan ayaa geystey qasaare isugu jira dhimasho iyo dhaawac iyadoo wararkii ugu dambeeyay ay sheegayaan in ay ku dhinteen lix ruux saddex kalana ay ku dhaawacmeen kuwaasoo ahaa maleeshiyaadkii dagaalamayay.

Dagaalka u dhexeeya maleeshiyo beeleedyada ayaa ah mid salka ku haya lahaansho dhul deegaaneed iyadoo weli ay jirto xiisada dagaalka oo bilowday gelinkii dambe ee shalay soona gaaray barqanimadii maanta. Iskahorimaadkan ayaa qaboobay kadib markii mid ka mid ah labada maleeshiyo beeleed ay dib ugu gurteen deegaan dhinaca galbeed ka xiga halka uu iskahorimaadku ka bilowday.

Duqeyda dhaqanka iyo waxgaradka degmada Balcad oo uu ugu horeeyo Ugaas Maxamedweli Ugaas Xuseen ayaa bilaabay dadaalo ay ku qaboojinayaan xiisadan iyadoo halkaa loo direy guddi dhexdhexaadiya labada maleeshiyo beeleed.

Ugaas MaxamedWeli Ugaas Xuseen ayaa ugu baaqay beelaha ku dagaalamaya deegaanka Maalimey oo ka tirsan degmada Balcad inay dirirta joojiyaan ayna khilaafkooda ku dhamaystaan wadahadal.

Dagaalo ka dhashay lahaanshaha dhulka ayaa ku soo laablaabtay deegano hoos yimaada gobolka Sh/dhexe iyadoo dhowaan lagu guuleystey in la joojiyo dagaal sababay dhimasho iyo dhaawac kaasoo salka ku hayay lahaanshaha dhul deegaan ka tirsan degmada Cadale ee gobolka Sh/dhexe.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

WAR DEG DEG AH-:Xildhibaanada Golaha Shacabka oo isku raacay in Sharci Darro tahay dhiibistii Qalbi dhagax.

November, 18, 2017
Kulanka Xildhibaanada Golaha Shacabka Soomaaliya oo xiligaan ka socda Xarunta Golaha Shacabka ayaa warbixin ka dhageestay guddigii loo ...

{Akhriso} Qodobada Ay Isku Afgarteen Komishanka Doorashooyinka Qaranka iyo Hogaanka Xisbiga WADDANI.

November, 18, 2017
Kulankii ay manta  yeesheen komishanka Doorashooyinka qaranka iyo hogaanka xisbiga WADDANI ayaa ku soo dhamaaday is afgarad buuxa. ...