Thursday, April 19th, 2018
Advertisements
Advertisements

Maxaa Ku Soo Kordhay Xaalada Mustaqbalka Aubameyang Xilli Chelsea Ay Ku Soo Biirtay Tartanka Saxiixiisa?

Published on July 17, 2017 by   ·   No Comments

Chelsea ayaa dooneysa inay la saxiixato weeraryahanka Borussia Dortmund Pierre-Emerick Aubameyang ka dib markii ay seegeen saxiixa Romelu Lukaku sida ay ogaatay Sky Sports.

Kooxda Blues ayaa dooneysa inay la soo wareegto gooldhaliye heer caalami ah xagaagan, iyadoo Diego Costa uu ku dhow yahay inuu ka tago Stamford Bridge.

Tababaraha Chelsea Antonio Conte ayaa jecel Aubameyang, waxaana uu 28 jirkaan ku jiraa liiska ciyaartoyda uu doonayo isaga iyo xiddiga Real Madrid Alvaro Morata iyo xiddiga Torrino Andrea Belotti.

Dortmund ayaa ku fasixi doonta Aubameyang xagaagan lacag gaareysa 70 milyan ginni, waxaana uu u sheegay kooxda inuu doonayo inuu baxo, iyadoo AC Milan iyo Paris Saint-Germain ayaa durbaba wadahadal la galeen, iyadoo uu burburay wadahadaladii kooxda Shiinaha ee Tianjin Quanjian isbuucii la soo dhaafay.

Madaxa Dortmund Hans-Joachim Watzke ayaa sheegay inuusan helin wax dalabyo ah weli, waxaana uu digniin ku bixiyay in kooxaha xiiseynaya inuu waqtiga ka dhamaanayo.

“Waxaan sugi doonaa dalabyadooda dhowr maalmood kale laakiin ma sii sugi doono” ayuu yiri. “Shaqsiyan waxaan jeclaan lahaa haddii uu sii joogo, laakiin waxaa jira kooxo yar oo uu lacag badan ka heli karo.”

Dortmund ayaa dooneysa in mustaqbalka Aubameyang la xaliyo ka hor 24ka bishaan Luuliyo markaasoo ay u ambabaxayaan xeradooda tababarka ee Switzerland.

Aubameyang ayaa ahaa gooldhaliyihii ugu sareeyay ee Bundesliga xilli ciyaareedkii la soo dhaafay 31 gool ayuu dhaliyay 32 kulan uu saftay. Waxa uu dhaliyay 40 gool tartamada oo dhan.

 

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

Kooxo hubeysan oo Ganacsato Soomaaliyeed ku dilay Koonfur Afrika

April, 19, 2018
Kooxo burcad ah oo aan heybtooda la garaneyn ayaa xalay weerar ku qaaday goob Ganacsi oo ay muwaadiniin ...

{DAAWO SAWIRADA} Tuulo Suudaan ku Taala oo ay u dalxiis Tagaan basaasiinta Israa’iil!

April, 19, 2018
Tuulada Caruus oo ku taalla saxaraha dalka Sudan ee dhacda xeebta Badda Cas ayaa noqonaysa goobta ugu wanaagsan ...