Ramos Oo Dhibsaday Neymar Soona Bandhigay Sida Uu U Jeclaan Lahaa Inuu Ka Guuro Camp Nou.

0
14
PARTIDO DE LIGA ENTRE REAL MADRID Y BARCELONA EL EL ESTADIO SANTIAGO BERNABEU.

Kooxdaha Real Madrid & Barcelona ayaa xalay ku ciyaaray Miami oo ku taala Mareykanka kulan ka tirsan koobka International Championship Cup markaas oo ay kooxda ka dhisan Camp Nou ku adkaatay 3-2, balse kulankaas waxaa loo dareensanaa inuu ahaa midkii ugu dambeeyay ee Neymar uu xirto maaliyadda Balaugrana.

Barcelona ayaa loo maleynayaa iney lumin doonto Neymar Junior kaas oo mid ka mid ah xidigaha ugu muhiimsan kaas oo la fahansan yahay inuu jecel yahay ka hoos bixidda hooska Lionel Messi.

Si kastaba Paris Saint Germain ayaa diyaar u ah iney bixiso qiimaha lagu jabin karo heshiiskiisa kaas oo gaaraya 222 Malyan oo Euro iyadoo idaacadda Radio Montecarlo ay soo warisay inuu goor hore shan sano oo heshiis ah u saxiixay kooxda ka dhisan magaalada Paris.

Dhanka kale kabtanka Real Madrid Sergio Ramos ayaa shaaca ka qaaday inuu aad u rajeynayo kulankii xalay inuu ahaa midkii ugu dambeeyay oo uu maaliyadda Barcelona ku arko xidig yaraha reer Brazil Neymar Junior.

“Xiriir fiican ayaan la leeyahay, ma dooneyn. waxaan ka badashay maaliyiadda, waxaan rajeynayaa iney tahay markiisii ugu dambeysay ee Barcelona taasoo noola macno ah inaan ka gudubnay dhibaato. waxba iima sheegin, mana doonayo inaan ka hadlo waxyaabaha shaqsiga la xiriira, qof walba isagaa xor u ah inuu doorto mustaqbalkiisa. Waa ciyaariyahan weyn, xidig ku wacan Barcelona, wuuna go’aansan doonaa mustaqbalkiisa. waxey noo noqon doontaa culeys naga yaraada madama kala duwanaasho ka abuuro kulamada waaweyn”

Si kastaba kabtan Sergio Ramos wuxuu mar walba jecel yahay daciifnimada Barcelona sidaas darteed wuxuu u rajeeyay iney lumiyaan mid ka mid ah xidigaha la fahansan yahay iney booska xafladaha shaqsiga ah ka badali doonaa Messi & CR7.

 

LEAVE A REPLY

Please enter your comment!
Please enter your name here