Saturday, January 20th, 2018
Advertisements
Advertisements

Wakiilka Antonio Rudiger Oo London Soo Gaadhay Si Uu Chelsea Ula Dhamaystiro Heshiiska Difaaca Ree Germany

Published on July 8, 2017 by   ·   No Comments

Wakiilka difaaca xulka qaranka Germany iyo kooxda AS Roma ee Antonio Rudiger ee  Sahr Senesie ayaa maanta soo gaadhay caasimada England ee London si loo dhamaystiro heshiiska ay Chelsea kula soo wareegayso Antonio Rudiger. Kooxaha Chelsea iyo Roma ayaa ka heshiiyay iibka Rudiger waxayna Blues xidigan ka soo bixinaysaa 34 milyan oo gini.

Antonio Conte ayaa si wayn u doonaya in uu difaaca kooxdiisa xoojin wayn u sameeyo kadib markii uu John Terry si xor ah kaga baxay Stamfrod Bridge ee uu Aston Villa ku biiray halka sidoo kale ay  Chelsea 20 milyan oo gini ay Bournemouth kaga iibisay difaaceedii Nathan Ake.

Antonio Rudiger ayaan markii hore ka mid ahayn bartilmaameedka ugu muhiimsanaa ee uu Antonio Conte doonayay wuxuuna bartilmaameedkakowaad ka dhiganayay Leonardo Bonucci oo Juventus ka tirsan iyo difaaca kooxda  Southampton ee Virgil van Dijk balse ugu horayn Conte ayaa heli doona saxiixa Rudiger iyada oo la filayo in Blues ay heshiiskiisa ku dhawaaqi doonto 24-48 ka saacadood ee soo socda.

Chelsea ayaa xagaagii hore waqtigan oo kale doonaysay in ay Antonio Rudiger la soo wareegto laakiin markii uu dhaawac jilibka ahi ku soo gaadhay tartankii qaramada Yurub ee Euro 2016 ayayna Blues sii wadin xiisihii ay u qabtay difaacan.

Antonio Rudiger ayaa dhawaan iska badalay wakiilkiisii  Alexander Bergweiler wuxuuna bishii hore wakiil ka dhigtay walaalkisa Sahr Senesie kaas oo hadda Chelsea kula jira wada xaajoodka uu ku doonayo in 24 jirkan Antonio Rudiger uu qayb kaga noqdo qorshaha Antonio Conte ee xili ciyaareedka cusub.

Antonio Rudiger ayaa noqon doona saxiixii ugu horeeyay ee ay Chelsea xagaagan samayso iyada oo guuldaro dhinaca suuqa ah kala kulantay Romelu Lukaku oo ay aaminsanayd in uu xili ciyaareedka cusub qayb ka noqon doono qorshaha Antonio Conte balse Manchester United ayaa heshiiska xidiga ree Belgium si rasmi ah ugu dhawaaqday.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA} Qaabka uu u dhacay Shilka Diyaaradeed Ee Ka Dhacay Garoonka Aadan-Cadde Ee M/Muqdisho

January, 20, 2018
Garoonka Diyaaradaha Aadan-Cadde ee Magaalada Muqdisho ayaa waxaa Goordhow ee Sabtida Maanta ah waxaa ka dhacay Shil Diyaaradeed ...

Shil Diyaaradeed oo ka dhacay Garoonka Aadan Cadde

January, 20, 2018
Sida ay sheegayaan wararka inaga soo gaaraya Garoonka Diyaaradaha Aadan Cadde ee Magaalada Muqdisho, goor dhaw waxaa Garoonka ...