Wargeyska SPORT: Lionel Messi Oo Soo Hindisay Qorshe Macquul Ah Oo Neymar Jr Kusii Joogi Karo Garoonka Camp Nou.

0
9

Weeraryahanka Barcelona Lionel Messi ayaa durba bilaabay inuu Neymar Junior ku qanciyo kusii nagaashaha garoonka Camp Nou madama uu qeyb ka siiyay waajibaadkiisa tuurista laadadka xorta ah ee Barcelona.

Sida ay sheegayaan warbixino badan oo ka imaanaya Spain – Neymar Junior ayaa lala xiriirinayaa inuu ku biiro Paris Saint Germain inkastoo kooxda reer Catalan ay diyaar u tahay iney dagaal walba u gasho sidii ay ku ceshan laheyd.

Kooxda horyaalka faransiiska ka dhisan waxey diyaar u tahay iney bixiso aduun dhan 222 Malyan oo Euro oo lagu jabin karo heshiiskiisa walow ciyaartoyda Barcelona ay bilaabeen qorshe ay ku qancinayaan xidigii hore Santos.

Wargeyska SPORT ee Spain kasoo baxa ayaa baahiyay in Lionel Messi uu ogolaaday inuu qorshaha laadadka xorta ah ee Barcelona uu qeyb ka siiyay Neymar Jr si xidigaan uu u dareemo xorriyad iyo inuusan ku hoos jirin hooskiisa.

Ernesto Valverde ayaa ka walwalsan xaaladaan madama uusan jecleysan doonin in kooxdiisa ay weyso mid ka mid ah sadexleyda weerar ee MSN.

Si kastaba Messi wuxuu diyaar u yahay inuu xidigaan u ogolaado tuurista laadadka xorta ah, waana qorshe fiican oo xidigaan kusii heyn karta Barcelona sida uu qabo wargeyska reer Catalonia.

 

LEAVE A REPLY

Please enter your comment!
Please enter your name here