Monday, November 20th, 2017
Advertisements
Advertisements

Wenger Oo Xaqiijiyay Inuu Fariin Qoraaleed Kula Hadlay Alexis Sanchez Si Uu Uga Dhaadhiciyo Inuu Sii Joogo Arsenal

Published on July 15, 2017 by   ·   No Comments

Tababare Arsene Wenger ayaa fariin qoraaleed kula hadlaya weeraryahankiisa Alexis Sanchez si uu uga dhaadhiciyo inuu sii joogo kooxda Arsenal, sida ay qortay jariirada Ingariiska ee The Sun.

Tababaraha Gunners ayaa waxaa ka dhaadhacsan in weeraryahanka Chile uu dhameysan doono sannadka ugu danbeeya ee qandaraaskiisa, inkastoo asxaabtiisa Arsenal ay aaminsan yihiin inuu ku danbeyn doono Manchester City.

Wenger ayaa shaaca ka qaaday: “Waxaan kula hadlay fariin qoraaleed, waxaana ay wadahadaladu ahaayeen kuwa aad u niyadsan.

“Fekradaheyga waa kuwa mar walba niyadsami leh. Ma jiraan wax badan oo la xaliyo waqti xaadirkaan oo ku saabsan ciyaaryahanka.”

Sanchez oo 28 sanno jir ayaa fasax ku maqan ka dib markii uu ciyaaray koobka Confederations Cup halka Arsenal ay booqasho ku mareyso dalka Australia.

Laakiin Alexis Sanchez ayaa ku soo laaban doona tababarka dhamaadka bishaan.

Waxaana Wenger uu filanayaa inuu diyaar u noqdo bilowga xilli ciyaareedka isagoo tababar heli doona kaliya muddo labo isbuuc ah.

Waxa uu yiri: “Ciyaartoyda sida Alexis Sanchez waxa ay ciyaareen xilli ciyaareedka oo dhan, waxa ay ku dhameysteen xilli ciyaareedka iyagoo daalan, waxaana uu aaday koobka Confederations Cup.

“Uma sheegi kartid inaysan fasax qaadanin, uma sheegi kartid inay soo laabtaan oo ay sii ciyaaraan, waa wax aan macquul aheyn.

“Caadiyan waxa ay u baahan yihiin seddex isbuuc oo tababar ah marka ay soo laabtaan, laakiin waxa ay heli doonaan barnaamij gara ah oo marka ay isbuuc ilaa 10 maalmood tababar ka dib ay ka qeyb qaadan karaan kulamada qaar.

“Waxa ay sidoo kale ku xiran tahay taam ahaanshaha ay ku soo laabanayaan.”

Arsenal ayaa booqashadeeda Australia ku bilaabatay si fiican iyadoo saxiixadooda cusub Alexandre Lacazette uu dhaliyay gool kulankiisii ugu horeysay kulankii ay 2-0 kaga badiyeen Sydney FC.

Waxa ay Sabtida la ciyaarayaan Western Sydney Wanderers ka hor inta aysan la ciyaarin Bayern Munich 19ka bisha July.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA} Madaxweynaha Soomaaliya oo lagu soo dhaweeyay Imaaraadka Carabta

November, 19, 2017
Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed (Farmaajo) ayaa gaaray magaalada Abu Dhabi halkaas oo ay uga ...

{DAAWO SAWIRADA} Wasaaradda Dastuurka oo kulan la yeelatay Odayaasha Dhaqanka

November, 19, 2017
Wasaaradda Arrimaha Dastuurka, Guddiga La-socodka Dastuurka ee Baarlamaanka, iyo Guddiga Madaxabanaan ee dib-u-eegista Dastuurka ayaa maanta kulan wadatashi ...