Halkey Marayaan Warbixinadii Ivan Perisic La Xiriirinayay Man United? Jose Mourinho Ayaa Si Weyn U Faah-Faahiyay.

0
2

Manchester United ayaa u muuqata mid ku guuldareysatay saxiixa garabka Inter Milan Ivan Perisic madaama ay la kulmi weysay lacagaha ay kooxda ka dhisan talyaaniga ku dooneyso xidigeeda reer Croatia.

Inter Milan waxey dooneysaa aduun dhan 48 Malyan oo Pound iney ku hesho madaxa xidigii hore Wolfsburg, balse haatan wax walba waxey u muuqdaan in Perisic uu heshiis cusub u saxiixayo kooxdiisa.

Jose Mourinho oo bishii Maarso ee sanadkaan la kulmay Ivan Perisic ayaa si dadban u xaqiijiyay iney ku fashilmeen loolankii ay ugu jireen saxiixa Ivan Perisic.

Waa sida ay tahay kubadda cagta!” ayuu yiri Jose Mourinho mar la weydiiyay sababta ay ugu fashilmeen helitanka Ivan Perisic.

“Hadii aan ka hor imaan lahaa Inter Milan waxaan kaliya dooni lahaa guul” ayuu mar kale isagoo tilmaamaya in muhiimadda ugu weyn ee waqtigaan ay tahay shaqadiisa.

“Waa koox xoogan, waxey sameeyeen difaac nafsi fiican si ay u ilaashadaan shaqsi muhiim u ah, waana sida ay tahay kubadda cagta”

Red Devils si fiican ayey ugu mashquushay suuqa kala iibsiga ciyaartoyda madama ay lasoo saxiixdeen Victor Lindelof, Romelu Lukaku & Nemanja Matic, balse Perisic ayey ku guuldareysteen sida muuqata.

LEAVE A REPLY

Please enter your comment!
Please enter your name here