Isbarbar Dhig Lagu Sameeyay Matić Iyo Bakayoko Saxiixyada Cusub Ee Kooxaha Chelsea Iyo Manchester. Keba Wanaagsan?.

0
11

Manchester United ayaa si rasmi ah ugu dhawaaqday inay dhameystirtay saxiixa laacibka reer Serbia ee Nemanja Matić oo ay kooxda Chelsea kagala soo wareegtay aduun dhan 45 million euros, kadib mudo laba isbuuc oo wada hadalo u socday kooxaha Red Devils iyo Blues.

Maamulka kooxda Blues ayaana ugu dambeyn u fasaxay Nemanja Matić in Stamford Bridge uu kaga dhaqaaqo Old Trafford, kadib markii ay lasoo saxiixatay laacibka khadka dhexe reer france ee Tiémoué Bakayoko, isla markaana ay dhigeyso in xili ciyaareedka cusub Matić markale la shaqeyn doono tababarahiisii hore ee Jose Mourinho.

Hadaba kadib markii la dhameystiray saxiixyada labdan xidig ee Nemanja Matić iyo Tiémoué Bakayoko, shabakada “Sky Sports” ayaa waxay isbar bar dhig ku sameey saxiixyada cusub ee kooxaha Chelsea iyo Man United, xili tirikoobkii laga sameeyay labadan xidigan xili ciyaareedkii lasoo dhaafay uu ka saramaray Matić dhigiisa Bakayoko.

Sky Sports ayaa isbar bar dhiga ay ku sameysay xidigahan waxay kaga eegtay dhanka safashadooda horyaalada Premier League-ga iyo France Ligue 1, waxaana tirikoobkii laga sameeyay xidig kastaa ay u dhacday sidan:

Nemanja Matić:
28 jir
35 kulan.
Wuxuu caawiyay 7 gool.
51 jeer ayuu ka hor istaagay weerar halis ku ahaa safka kooxda Chelsea.
143 jeer ayuu kula guuleystay weerar toos ah xidigaha kula sugnaa safka kooxda Blues.
Tiémoué Bakayoko:
22 jir.
32 kulan.
Wuxuu caawiye ka noqday 1 gool oo kaliya.
70 kubadood oo weerar ku ahaa dhanka kooxdiisii Monaco ayuu hakad galiyay.
242 jeer ayuu kula guuleystay weerar toos ah xidigaha kula sugnaa safka kooxda Monaco.

LEAVE A REPLY

Please enter your comment!
Please enter your name here