Monday, August 21st, 2017
Advertisements
Advertisements

Maamulka Koofur Galbeed Oo Saanad Ciidan ku wareejisay Sheekh Mukhtaar Roobow

Published on August 12, 2017 by   ·   No Comments

Maamulka Koofur Galbeed ayaa gurmad u fidiyay Wadaadka gooni u goosadka ah Mukhtaar Roobow Abuu Mansuur, iyagoo ku wareejiyay saanad hub iyo ciidamo la sheegay inay ka difaacayaan aaggaga Al-Shabaab ka soo weerarayaan.

Warar lagu kalsoonaan karo ayaa sheegaya in Mas’uuliyiin uu hoggaaminayay Wasiirka Amniga Koofur Galbeed ayaa la kulmay Sheekh Mukhtaar Roobow, oo ku sugan deegaan ku dhow Abal oo horay fariisin u aheyd.

Saanadan milateri ayaa laga keenay degmada Xudur, waxaana amar ku bixiyay in lagu wareejiyo Madaxweynaha Koofur Galbeed Shariif Xasan oo lagu wado inuu gaaro Xudur.

Maamulka Koofur Galbeed iyo Sheekh Mukhtaar Roobow ayaa la sheegay inay isku fahmeen sidii ay isaga kaashan lahaayeen dagaalka, mar alla markii uu culeys soo fuulana ay u gurmadaan, kana caabiyaan.

Sheekh Mukhtaar Roobwo Abuu Mansuur ayaa waxaa cadaadis xoog leh uga imaanaya Al-Shabaab, kaddib markii arbacadii la soo dhaafay ay weerar ku soo qaadeen deegaanka uu degan yahay ee Abal.

Wararka soo baxaya ayaa sheegaya in Al-Shabaab ay qorsheynayaan in weerar weyn oo kama dambeys ah ay ku qaadaan Abuu Mansuur, si ay u soo afjaraan, kaddib dagaal dhowr jeer la isku noqday oo ay ugu suura geli weyday inay soo qabtaan ama dilaan.

Maleeshiyada taabacsan Abuu Mansuur oo lagu sheegay inay gaarayaan boqolaal ayaa difaacyo adag ka sameystay deegaanka Abal iyo agagaarkeeda, halkaasoo ah goobo buuraley iyo howd ah, ayna adag tahay cidii difaac gasha si looga bixiyo.

Dowladda Mareykanka ayaa bishii June ee sanadkan liiska argagixisada ka saartay Abuu Mansuur iyo lacagihii madaxiisa dulsaarnaa, waxaana taasi ay keentay in Shabaabka ay culeys soo saaraan.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

Xildhibaan Qoono “Mowqifka Xukuumadda qaadatay waa mid lagu deg degay oo fudeed ku jiro”

August, 20, 2017
Xildhibaan Maxamed Xasan Qoono oo ka mid ah Xildhibaanada Baarlamaanka Federaalka ayaa dhaliilay mowqifka Xukuumadda Soomaaliya ka qaadatay ...

Al-Shabaab oo si rasmi ah u xaqiijisay geeridii Sheekh Cali Jabal

August, 20, 2017
Xarakada Al-Shabaab ayaa markii uga  horeysay si rasmi ah u xaqiijisay geeridii Sheekh Cali Maxamed Xuseen (Sheekh Cali ...

(Daawo sawirada) Maxay ka wada hadleen madaxweyne Farmaajo iyo Al-sisi

August, 20, 2017
Madaxweyne Maxamed Cabdullaahi Farmaajo ayaa ku sugan magaalada Qaahira ee dalka Masar, halkaas oo ay uga bilaabatay booqasho ...

Lix ruux oo ku dhimatay dagaal ka dhacay duleedka Cadaado

August, 20, 2017
in ka badan lix ruux ayaa ku dhimatay halka tiro ka badan 20 kalan ay ku dhawacmeen kadib ...

Madaxweyne Xaaf oo sheegay in Galmudug ay Difaaceyso Shacabka Reer Xeraale

August, 20, 2017
Madaxweynaha Galmudug Axmed Ducaale Geelle Xaaf ayaa Maanta Magaalada Cadaado kula Shiray Baarlamaanka Maamulka Galmudug,waxaana ay ka wada ...

{DAAWO MUQAALKA} Sida Uu Madaxweyne Cosoble Uga Soo Horjeestay Go aanka Dowlada

August, 20, 2017
Cali Cabdulaahi Cosoble oo ay dhowaan xilka ka qaadeen xildhibaanada baarlamaanka Hirshabelle ayaa sheegay in uusan xoog ku ...

Madaxweyne ku xigeenka Puntland oo Digniin adag u diray Somaliland

August, 20, 2017
Madaxweyne ku xigeenka Puntland C/xakiin Xaaji Cumar Camey ayaa sheegay in Puntland ay ka hortagayso in deeganada lagu ...