Miyuu Goolkii Casemiro Ahaa Offside? Marca & AS Oo Ku Kala Aragti Duwanaaday Go’aankii Lagu Ansixiyay Goolkii Koowaad Ee Real Madrid Kulankii Xalay.

0
6

Real Madrid ayaa ku guuleysatay koobka UEFA Super Cup markii labaad oo xiriir ah iyo markii afaraad taariikhdeeda kadib markii ay 2-1 kaga adkaadeen Manchester United inkastoo muran badan laga keenay goolka furitaanka ee Casemiro.

Dani Carvajal ayaa daqiiqadii 23-aad kubad aad looga shaqeeyay u gudbiyay burburiyaha reer Brazil Casemiro kaas oo kaamirooyinka ay muujinayeen inuu inyar oo aan si weyn loo arki karin ka horeeyay daafaca Red Devils.

Si kastaba goolka wuxuu noqday mid la ansixiyay, balse aragti ahaan waxa uu goolkaas ahaa wey ku kala duwanaadeen labada wargeys ee kasoo baxa Spain [AS iyo Marca] kuwaas oo garsoorayaal hore wax ka weydiiyay arintaan.

Wargeyska AS wuxuu su’aashaan hordhigay garsoorahii hore horyaalka La Liga Eduardo Iturralde González kaas oo haatan 50-jir ah wuxuuna aaminsan yahay in si cad ay Offside u aheyd balse aysan aheyn wax aad ishu u qaban kartay.

“Wey adkeed in la arko sababtoo ah kaliya dhawr sentimitir ayuu ka horeeyay, balse waa Offside” ayuu yiri Eduardo Iturralde.

Dhanka kale jariiradda Marca ayaa iyana wax ka weydiisay arintaan falanqeeyahooda Juan Andujar Oliver kaas oo isna ah garsoore hore oo horyaalka La Liga ah.

“Fiiri cagta Smalling, mana ahan wax cad iney aheyd offside” ayuu yiri Olivier oo 69-jir ah.

 

LEAVE A REPLY

Please enter your comment!
Please enter your name here