Saturday, November 18th, 2017
Advertisements
Advertisements

Ronaldo oo ku guuleystay Xidiga ugu fiican Yurub iyo Isku Aadka Champions League oo la sameeyay

Published on August 25, 2017 by   ·   No Comments

Ciyaaryahanka reer Portugal iyo Kooxda Real Madrid Cristiano Ronaldo ayaa markii 3aad ku guuleystay abaal marinta xidiga ugu fiican Yurub, kaddib markii uu kaga guuleystay Messi iyo Buffon oo kula tartamayay.

Xiddiga reer Portugal ayaa ku garaacay xiddiga Barcelona Lionel Messi iyo goolhayaha Juventus Gianluigi Buffon, kaddib markii uu Real Madrid kula guuleystay La Liga iyo Champions League.

Ronaldo ayaa helay 482 dhibcood, iyadoo Messi (141) iyo Buffon (109), waxaana uu Ronaldo noqday xiddiga kaliya ee 3 jeer ku guuleystay Abaalmarinta Yurub.

Ronaldo ayaa xilli ciyaareedkii dhamaaday ee 2016/2017 u qaaday Kooxdiisa Real Madrid Horyaalka La Liga ee Spain iyo Koobka Horyaalada Qaaradda Yurub ee Champions League oo uu ciyaartii Finalka dhaliyay labo gool.

Dhinaca kale waxaa caawa la sameeyay isku aadka Wareega Group-yada ee Koobka Horyaalada Qaaradda Yurub ee Champions League, iyadoo ay isku aadeen kooxo adag.

Kooxda Real Madrid oo heysata Koobka ayaa waxay isku Group noqdeen Kooxaha Borussia Dortmund iyo Tottenham, waana mid ka mid ah Group-yada ugu adag.

Sidoo kale Kooxaha Barcelona iyo Juventus ayaa isku Group noqday, iyagoo ku jira Group D, labada kooxood ayaa isku arkay Sema Finalkii hore ee Champions League.

Kooxda Chelsea oo sanadkii hore ka maqneyd Koobkan ayaa waxay isku Group noqdeen Kooxaha Atletico Madrid, Roma iyo Koox ka socota dalka Azerbaijan..

Hadaba halkan hoose ka akhriso isku aadka:-

Group A: Benfica (POR), Manchester United (ENG), Basel (SUI), CSKA Moskva (RUS)

Group B: Bayern München (GER), Paris Saint-Germain (FRA), Anderlecht (BEL), Celtic (SCO)

Group C: Chelsea (ENG), Atlético Madrid (ESP), Roma (ITA), Qarabağ (AZE)

Group D: Juventus (ITA), Barcelona (ESP), Olympiacos (GRE), Sporting CP (POR)

Group E: Spartak Moskva (RUS), Sevilla (ESP), Liverpool (ENG), Maribor (SVN)

Group F: Shakhtar Donetsk (UKR), Manchester City (ENG), Napoli (ITA), Feyenoord (NED)

Group G: Monaco (FRA), Porto (POR), Beşiktaş (TUR), RB Leipzig (GER)

Group H: Real Madrid (ESP, holders), Borussia Dortmund (GER), Tottenham Hotspur (ENG), APOEL (CYP)

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

WAR DEG DEG AH-:Xildhibaanada Golaha Shacabka oo isku raacay in Sharci Darro tahay dhiibistii Qalbi dhagax.

November, 18, 2017
Kulanka Xildhibaanada Golaha Shacabka Soomaaliya oo xiligaan ka socda Xarunta Golaha Shacabka ayaa warbixin ka dhageestay guddigii loo ...

{Akhriso} Qodobada Ay Isku Afgarteen Komishanka Doorashooyinka Qaranka iyo Hogaanka Xisbiga WADDANI.

November, 18, 2017
Kulankii ay manta  yeesheen komishanka Doorashooyinka qaranka iyo hogaanka xisbiga WADDANI ayaa ku soo dhamaaday is afgarad buuxa. ...