Monday, November 20th, 2017
Advertisements
Advertisements

Bale Iyo Griezmann Oo Ku Midoobi Kara Old Trafford, Liverpool Oo Heshiis Shaqsi Ah La Gaartay Daafac Weyn & Wararkii Kale Ay Qoreen Wargeysyada Ingariiska

Published on September 11, 2017 by   ·   No Comments
daily star

Daafaca dhexe ee Southampton Virgil van Dijk ayaa heshiis shaqsi ah la gaaray Liverpool waxaana laga yaabaa inuu u wareego Anfield marka uu furmo suuqa kala iibsiga bisha Janaayo.

MANCHESTER EVENING NEWS

Madaxa maamulka Manchester United Ed Woodward ayaa u isticmaali doona awooda dhaqaale ee kooxda inuu ku soo jiito 28 jirka Real Madrid Gareth Bale iyo 26 jirka Atletico Madrid Antoine Griezmann xagaaga danbe.

daily mail

Tababarihii hore ee xulka qaranka England Roy Hodgson ayaa ku dhow inuu la wareego shaqada kooxda Crystal Palace iyadoo tababare Frank de Boer uu maanta wajahayo in la ceyriyo.

daily mirror

Arsene Wenger ayaa qirtay inuu iska diiday fursad uu shaqada tababare ee Manchester United kaga bedeli lahaa Sir Alex Ferguson sannadii 2002.

Xiddiga weli horumarka sameynaya N’Golo Kante ayaa ah xiddiga ugu fiican Premier League, sidaasi waxaa aaminsan tababaraha Chelsea Antonio Conte.

THE DAILY TELEGRAPH

Crystal Palace ayaa go’aansan doona mustaqbalka tababare Frank de Boer 48 saacadood ee soo socota ka dib markii ay soo gaartay guuldaradii afaraad ee isku xigta.

Xiddiga Newcastle Matt Ritchie ayaa qirtay inuu nasiib ku lahaa inaan casaan la siinin sida Sadio Mane ka dib markii uu cag wajiga ka saaray Alfie Mawson kulankii Swansea.

the sun

Chelsea iyo Liverpool ayaa rag soo daawada u diray da’ yarka Uruguay ee lagu magacaabo Sebastian Caceres, laakiin waxa ay la kulmayaan tartan adag iyadoo Barcelona ay sidoo kale dooneyso daafaca dhexe.

Borussia Dortmund ayaa la wareegtay da’ yarka Manchester City Denzeil Boadu ka dib markii ay sidoo kale xagaagii la wareegeen Jadon Sancho.

Ciyaaryahankii hore ee Bayern Munich Mario Basler ayaa sheegay in laga yaabo in tababare Carlo Ancelotti uu heshiis u saxiixay koox Shiinees ah lagana yaabo inuu baxo bisha Janaayo.

daily express
Chelsea ayaa diyaar u ah inay kula tartanto Barcelona saxiixa xiddiga khadka dhexe ee aadka loo qiimeeyo ee kooxda Bayer Leverkusen 18 sanno jirka Atakan Akkaynak.

Benjamin Mendy ma uusan dooneynin Chelsea waxa uu kaliya rabay Manchester City, waxaa sidaasi sheegay madaxweyne ku xigeenka Monaco Vadim Vasilyev.

Lionel Messi waxaa weli ku harsan dhowr sannadood uu caawiyo Barcelona ka hor inta uusan ka dhaqaaqin sida uu sheegay Luis Suarez.

Bayern Munich ayaa u bandhigtay Arturo Vidal qandaraas cusub oo ay meesha kaga saaraan xiisaha Chelsea iyo AC Milan.

the independent

Nemanja Matic ayaa sheegay inay Manchester United u baahan tahay inay ku badiso garoomada sida kan Stoke haddii ay doonayaan inay hantaan koobka horyaalka Premier League.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA} Madaxweynaha Soomaaliya oo lagu soo dhaweeyay Imaaraadka Carabta

November, 19, 2017
Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed (Farmaajo) ayaa gaaray magaalada Abu Dhabi halkaas oo ay uga ...

{DAAWO SAWIRADA} Wasaaradda Dastuurka oo kulan la yeelatay Odayaasha Dhaqanka

November, 19, 2017
Wasaaradda Arrimaha Dastuurka, Guddiga La-socodka Dastuurka ee Baarlamaanka, iyo Guddiga Madaxabanaan ee dib-u-eegista Dastuurka ayaa maanta kulan wadatashi ...