{DAAWO SAWIRADA} Booliska Puntland oo qabtay Fuustooyin lacago been abuur ah ay ku jireen

0
4

Booliska Magaalada Boosaaso ee Xarunta Gobolka Bari ayaa sheegay in ay gacanta ku dhigeen fuustooyin ay ka buuxeen lacago been abuur ah oo maalmahan dhibaato ku haya degaannada Puntland.

Taliyaha Ciidamada Booliska Boosaaso ayaa sheegay in gacanta ay ku dhigeen Gaadiid waday fuustooyinka Afka laga alxamay oo ay ku jirto Lacagta been abuur ah ee ku socotay suuqyada Boosaaso.

Lacagta faraha badan ee ay qabteen Booliska Puntland ayaa lagu wareejiyay wasiirka Maaliyadda Maamulka Puntland Cabdulqaadir Siciid Carshe Dhaqaaje,kaas oo isna ka guddoomay Ciidamada Koontaroolka Boosaaso ku qabtay lacagta bugta ah.

Boolisku waxaa ay sheegeen in lacagtan ay tahay shilin Soomaali been abuur ah,waxaana ay sheegeen in lagu qariyay Fuustooyin iyo jawaanno lagana geliyay Puntland bartamaha Soomaaliya.

LEAVE A REPLY

Please enter your comment!
Please enter your name here