Duufaanta Maria oo shan iyo toban qof ku dishay jasiiradaha Caribbean-ka

0
20

Ugu yaraan 15 qof ayaa ku dhintay labaatan qof oo kalena waa la la’yahay jasiiradaha Dominica ka dib markii ay ku dhufatay duufaanta Maria. Waxaana warkani sheegay ra’iisul wasaaraha jasiiradaha Caribbean-ka.

‘Waxay ahayd arrin mucjiso ah in dhimashadu aysan boqolaal gaarin’ ayuu yiri ra’iisul wasaare Rooseevelt Skerrit.

Duufaanta Maria ayaa garaacday deegaanada Dominica maalinimadii Isniinta waxay burburisay boqolaal guri.

Waxay sidoo kale cagta marisay duufaantani Puerto Rico. taasoo sababtay in jasiiradaasi ay koronto la’aanta noqoto.

Waxaa burburay guryo badan iyo iskuulaad, sidoo kale waxaa go’ay isgaarsiinta. korontaduna waxay ka maqan tahay isbitaalo badan oo jasiiradahaasi ku yaalla.

Saraakiisha maamulka Puerto Rico ayaa dadka deegaanadaasi u sheegay inay u guuraan dhulka sare ee ka baxsan meelaha ay daadadku ka dhaceen.

Waxaa sidoo kale la saadaalinayaa inay roobab badan da’aan duufaanta ka dib.

Barasaabka Jasiirada ayaa masiibadan ku tilmaamay ‘ Duufaantii ugu darnayd qarnigan ‘

LEAVE A REPLY

Please enter your comment!
Please enter your name here