Maxaa Ka Jiro Wararka Sheegaya In Ciidamo AMISOM ah La Geeyey Dhuusa Mareeb ?

0
5

Warbaahinta qaar ee dalka ayaa shalay tabiyay war sheegaya in Ciidamo ka tirsan Midowga Afrika ee AMISOM la geeyay magaalada Dhuusa-mareeb ee gobolka Galgaduud.

Madaxweyne ku xigeenka Maamulka gobolada dhexe ee Ahlusuna C/laahi Xirsi Diirshe Daacad ayaa warbaahinta u sheegay in ay been abuur yihiin wararka sheegaya in Ciidamo AMISOM ah la geeyay magaalada Dhuusa-mareeb.

Wuxuu sheegay warkan in uu yahay xaaalad qaldan oo la abuuray, maamulka gobolada dhexena warkaasi uu u arkayo mid dad gaar ah ay iska wadaan.

C/laahi Xirsi Diirshe Daacad Madaxweyne ku xigeenka Maamulka gobolada dhexe ee Ahlusuna ayaa dhanka kale sheegay in uusan jirin wadahadal u socda maamulka Galmudug iyo  Ahlusuna.

“Waa been abuur in Ciidamo AMISOM ah la keenay Dhuusa-mareeb, horey waxaa Dhuusa-mareeb u joogay Ciidamadii Dowladdii hore ay keentay ilaa hada kuwaas aya jooga, ma jiraan wadahadal inoo socda anaga iyo Galmudug.” Ayuu yiri C/laahi Xirsi.

LEAVE A REPLY

Please enter your comment!
Please enter your name here