Neymar Oo Fariin U Diray Barca, Bayern & Real: Waxaan Fursad Fiican U Heysanaa Ku Guuleysiga Champions League Xilli Ciyaareedkan

0
14

Neymar ayaa aaminsan in Paris Saint-Germain ay heysato fursad fiican oo ay ku hanato Champions League xilli ciyaareedkan marka loo eego Barcelona, Bayern Munich iyo Real Madrid

Xiddiga reer Brazil ayaa jabiyay rikoorka suuqa kala iibsiga horaantii xagaagan markii uu PSG ugu biiray heshiis 222 milyan yuro ah.

Neymar ayaa ku guuleystay sideed koob mudadii afarta xilli ciyaareed ee uu joogay Nou Camp oo ay ku jirto koobkii Champions League ee ay hanteen 2015.

 

 

 

 

 

 

 

 

 

 

 

 

 

 

Laakiin waxa uu aaminsan yahay in kooxda Faransiiska ay fursad fiican u heysato hanashada Champions League xilli ciyaareedkan.

“Mid ka mid ah sababihii ugu weynaa ee aan u imid PSG ayaa aheyd inaan ka caawiyo inay kooxda taariikh sameyso” ayuu Neymar u sheegay The Sun.

“Champions League kaliya ma ahan koobka aan dooneyno inaan ku guuleysano – laakiin waa koob aad u muhim ah.

“Hamigeena xilli ciyaareedkan waxa uu yahay inaan isku dayno oo ku guuleysano koobkaas – waana heerka ay kooxda joogto haatan. Waxaan aaminsanahay inaan awood u leenahay hanashada koobka.

“Kaliya ma ahan inaan heysano tayada aan ku qaadi karno laakiin waxaan sidoo kale heysanaa khibrada – waxaa jooga halkaan ciyaartoy garanaya waxa ay la micno tahay hanashada Champions League.

“Waan ku soo guuleystay koobka, Dani Alves seddex jeer ayuu soo qaaday, Thiago Motta waxa uu ku soo qaaday Barcelona iyo Inter, Angel di Maria waxa uu ku soo qaaday Real Madrid. Kaliya ma heysano tayo laakiin sidoo khibrad dhab ah.”

 

LEAVE A REPLY

Please enter your comment!
Please enter your name here