Ra’islawasaaraha Itoobiya oo Oromada iyo Somalida wadahadal uga furay Adis ababa.

0
7

Ra’islawasaaraha Dalka Itoobiya Hailemariam Desalegn  ayaa kulan wadahadal ah u qabtay madaxda Maamullada Soomaalida iyo Oromada Dalka Itoobiya.

Kulanka oo ay ka qeyb galeen madaxda Maamullada,Odayaasha Labada dhinac iyo wakiillo ka socday dowladda Federaalka Itoobiya ayaa lagu sheegay in wax laga xumaado ay tahay shaqaaqada dhexmartay Soomaalida iyo Oromada.

Hailemariam Desalegn,ayaa ku hanjabay in tallaabo cad laga qaadayo dadkii ka dambeeyay khilaafka sababay dagaalka ee u dhaxeeya Oromada iyo Soomaalida.

Waxaa uu Ra’islawasaaraha Itoobiya hanjabaad gaar ah u diray Warbaahinta labada maamul ee buun buuninaya colaadda labada dhinac isaga oo sheegay in si gaar ah warbaahinta loola xisaabtamayo.

Dadka Oromada iyo Soomaalida ayuu ugu baaqay in ay nabad ku wada noolaadaan,islamarkaana ay ka waantoobaan dagaalka oo uu sheegay in ay gacmo shisheeye ka dambeeyaan.

Wadahadallada oo ka sii socon doona Adis ababa ayaa looga hadlayaa waxii ka dhex dhacay Soomaalida iyo Oromada,xalka laga gaarayo iyo sidii looga hortagi lahaa in mar kale ay soo laabtaan dhacdooyin noocaas ah.

LEAVE A REPLY

Please enter your comment!
Please enter your name here