Taliyihii NISA ee degmada Kaxda Oo Geeriyooday

0
9

Taliyaha Nabad Suggida Degmada Kaxda Maxamuud Qooley iyo askar la socotay ayaa lagu weeraray Degmada Dharkeenley ee Gobolka Banaadir, xilli Taliyaha uu maraayay Isgoyska Xoosh.

Saraakiil ka tirsan Hay’addaha ammaanka ayaa sheegay dabley wadatay gaari noociisa uu yahay NOAH inay weerareen Taliyaha, xilli uu ku guda jiray shaqooyinkiisa maalinlaha ah.

Weerarkaasi ayaa waxaa ku dhintay askari ilaalo u ahaa Taliyaha Nabad Suggida Degmada Kaxda, halka sidoo kale dhaawac uu soo gaaray Taliyaha oo loo qaaday Isbitaalka Digfeer ee Magaalada Muqdisho, waxaana taliyaha ugu dambeyntii uu u geeriyooday dhaawicii soo gaaray.

Dableydii ka dambeysay falka lagu beegsaday Taliyaha Nabad Suggida Degmada Kaxda ayaa ka baxsaday goobtii ay weerarka ka gaysteen, waxaana ay wateen gaari NOAH ah oo ay ku baxsadeen.

Bishan gudaheeda dilal qorsheysan iyo weeraro kala duwan oo ka dhacay Degmada Dharkeenley, ayaa lagu dilay ugu yaraan dad kor u dhaafaya 10 ruux oo qaarkood askar ay ku jiraan, halka sidoo kalena masuuliyiin kala duwan lagu dhaawacay.

LEAVE A REPLY

Please enter your comment!
Please enter your name here