Waaberi oo ku guuleestay cayaaraha degmooyinka gobolka Benaadir xili Hodan wado cad lagu diray

0
5

Degmada Waaberi ayaa si rasmi ah ugu guuleesteen tartankii kubada cagta degmooyinka gobolka Benaadir kadib markii 3-1 ay ku dhaafeen dhigooda Hodan.

Kulankaan taariikhiga ah sidoo kalena mudo rubac qarni kadib magaalada Muqdisho habeen garoon caalami ah lagu cayaarayo ayaa waxaa si waali ah ugu soo daawasho tageen inta badan shacab weynaha gobolka Benaadir ku nool.

Cayaartan waxaa daah furay gudoomiyaha gobolka Benaadir ahna duqa magaalada Muqdisho mudane Taabir Cabdi Maxamed iyo masuliiyin kale oo maamulka gobolka ka tirsan.

Muxidiin Cabdi Dhaqane Maariyo ayaa geesiga garoonka loo doortay qaybtii hore ee cayaarta madaama uy isaga labada goo dhaliyay.

Cayaaryahan Fitaax ayaa degmada Hodan rigoore ka qasaariyay daqiiqadii 29-aad balse garsooraha ayaa ku amray in lagu celiyo madaama goolhaye Saalim banaanka usoo baxay.

Nasiib daro markii gool ku laadka lagu celiyay degmada Hodan wey iska qasaarisay oo hawada sare ayay marsiisay.

casaan ayaa la siiyay cabdulaahi cabdi daqiiqadii 33-aad oo degmada Waaberi ka tirsan kooxdiisana wuxuu ku qasbay inay 10-cayaaryahan ku cayaaraan.

Qaybta hore ee cayaarta kusoo idlaatay Waaberi oo 2-0 ku hor kacayaan ayagoo 10-cayaaryahan ah sidoo kalena Hodan culees ayaa saarnaa.

Qaybta labaad ee cayaarta Waaberi oo 10-cayaaryahan ah ayaa gool sedexaad la timid cayaartana waxay noqotay 3-0 si toos ah ayay Hodan u niyad jabeen.

Kulankaan oo 15-daqiiqo ka harsan ayay Hodan gool la timid waxaana goolkan iska dhaliyeen daafacyada Waaberi cayaartana waxay noqotay 3-1.

Inkastoo degmada Hodan wiilasheeda dadaal dheeri ah sameeyeen hadana uma suura galin inay iska soo gudaan labadii gool ee lagu lahaa.

Kulankaan ugu dambeyntii degmada Waaberi oo 10-cayaaryahan ah ayaa guusha ku qaadatay 3-1 iyadoo Hodan ay niyad jab goobta ka qaadeen.

LEAVE A REPLY

Please enter your comment!
Please enter your name here