Thursday, May 24th, 2018
Advertisements
Advertisements

Borussia Dortmund oo diyaar u ah inay iibiso Aubameyang – durba laba koox oo EPL ah ayaa isku heysta!

Published on November 27, 2017 by   ·   No Comments

Maamulka kooxda Borussia Dortmund ayaa lumiyey dulqaadkii ay u hayeen gooldhaliye Pierre-Emerick Aubameyang waxayna kooxdu diyaar u tahay inay iska iibiso weeraryahankaan, sida ay warbaahintu sheegeyso.

Xiriirka ka dhexeeya maamulka BVB iyo xiddiga heerka caalami ee dalka Gabon ayaa gaaray heerkii ugu hooseeyey ka dib markii xiddigaan casaan loo taagay kulankii Isbuuc dhammaadkaan ay barbardhaca 4-4 ah kooxdu la gashay Schalke.

Ciyaartoyda Borussia ayaa kasoo horjeestay habdhaqanka weeraryahankaan, iyadoo goolhaye Roman Weidenfeller uu ciyaarta ka dib sheegay inay nacasnimo tahay falkii uu sameeyey Auba, sidoo kale tababare Peter Bosz ayaa ku eedeeyey inuu burburiyey farxaddii kooxda oo dhan.

10 cisho ka hor ayey aheyd markii shaqaalaha tababarku ay ganaax duldhigeen Aubameyang maadaama uu 28 sanno jirkaani tababarka kasoo daahay.

Aubameyang ayaana markale caawin waayey kooxdiisa oo dhibtooneysa, majaladda Sport Bild ayaana haatan sheegeysa inay Dortmund diyaar u tahay inay iska iibiso Neymar-ka Africa, iyadoo kooxo badan oo Yurub ah ay doonayaan xiddigaan.

Aubameyang oo dhaliyey 56 gool oo horyaalka Bundesliga ah labadii xilli ciyaareed ee lasoo dhaafay ayaa wuxuu ka mid yahay weeraryahannada ugu wanaagsan adduunka.

Xilli ciyaareedkaan qaab ciyaareed wanaagsan ayuu ku bilowday isagoo 11 gool dhaliyey 12 kulan oo uu kusoo bilowday – labada kooxood ee ka ciyaara horyaalka England Premier League Chelsea iyo Liverpool ayaana ku dagaalamaya saxiixiisa.

Kooxda Jarmalka ka dhisan ee BVB ayaa la aaminsan yahay inay aqbali doonto dalabyada ku dhow 53 milyan oo ginni ee u yimaada Pierre-Emerick Aubameyang ugu horreyn bisha Jannaayo 2018ka.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA} Dowladda Jabuuti oo Deeq Raashin ah u Qaybisay Dadka ku Nool Jalalaqsi Ee Gobolka Hiiraan

May, 24, 2018
Kaalmadaan Raashinka ah  oo ka koobnayd; Bariis, Sokor, Bur iyo Saliid, ayaa la Gaarsiiyay Dadkii Dhawaan ku Barakacay Fatahaaddii ...

{DAAWO SAWIRADA} Dhaawaca 35 Qof Iyo Hal Meyd Ah Oo La Geeyey Magalada Laas-Caanood

May, 24, 2018
Wararka naga soo gaaraya duleedka Magalada laas-caanood ee Xarunta gobolka Sool ayaa waxa ay sheegayaan in duleedka Magaaladaasi ...