RASMI: AC Milan Oo Ceyrisay Vincenzo Montella Xili Tababaraha Cusub Ee Kooxda Lagu Dhawaaqay

0
22

AC Milan ayaa ceyrisay tababare Vincenzo Montella, iyadoo xilka macalinka koowaad ee kooxda loogu dhiibay ninka carada badan ee Gennaro Gattuso.

Milan ayaa kujirta kaalinta 7aad ee Serie A, ayaa 18 dhibcood ka dambeysa kooxda hogaamineysa horyaalka Talyaaniga ee Napoli.

AC Milan ayaa badisay kaliya laba kamid ah sagaalkii kulan ee ugu dambeeyay horyaalka Talyaaniga, Waxaana ay barbaro 0-0 ah la galeen xalay kooxda Torino.

AC Milan ayaa laga badiyay lix ka mid ah 14 kulan oo laga ciyaaray horyaalka Serie A xilli ciyaareedkan,taasoo keentay in la ceyriyo tababare Montela.

Gattuso, oo ah ciyaaryahankii hore ee khadka dhexe kooxda AC Milan, ayaa laga soo dalacsiiyay kooxda dhalinyarada ah isagoo noqon dona bedelka Vincenzo Montella.

39 jirkaan Talyaani ah ayaa Milan u ciyaaray intii u dhaxeysay 1999 iyo 2013, isagoo kula guuleystay horyaalka Serie A iyo Champions League min labo jeer.

AC Milan oo ku guuleysatay horyaalka Talyaaniga 18 jeer ayaan ku dhameysan seddexda boos ee ugu sareysa Serie A tan iyo 2013kii.

Waxay £ 205m ku iibsadeen saxiixyo cusub tan iyo markii ganacsato Chines ah la wareegeen milkiyada kooxda bishii April ee sanadkaan.

LEAVE A REPLY

Please enter your comment!
Please enter your name here