Bannaanbax ka dhan ah go’aankii Trump Oo Muqdisho oo lagu qabanaayo

0
51

Magaalada Muqdisho waxaa maanta oo Jimco ah lagu wadaa in lagu qabto bannaanbax looga soo horjeedo go’aankii uu Madaxweynaha Mareykanka ugu aqoonsaday Magaalada Qudus inay tahay Caasimadda Israel.

Madaxweyne Donald Trump ayaa Arbacadii amray in Safaaradda Mareykanka laga raro Magaalada Tel Aviv, loona wareejiyo Magaalada Qudus, taas oo ka careysiisay dunida Muslimka.

Dadka Muslimiinta ah ayaa qaarkood dhigay bannaanbaxyo ay ku muujinayan sida ay kaga careysan yihiin tallaabada Qudus loogu xallaaleynayo Maamulka Yahuudda, iyadoo Muslimiin kalena ay qorsheynayan inay isu soo baxyo sameeyan.

Magaalada Muqdisho, ayaa ka mid ah magaalooyinka la doonayo in Jimcaha maanta lagu qabto bannaanbax si weyn loogu cambaareynayo go’aanka ka soo baxay Madaxweynaha Mareykanka.

Culimada Soomaaliyeed ayaa dadka reer Muqdisho ugu baaqay inay maanta isugu soo baxaan goob kastaa oo ay isugu imaan karaan, si ay ugu muujiyan dareenkooda ku aadan xiisadda Qudus.

Khudbadda Jimcaha, ayaa inta badan Masaajida waxaa lagu soo qaadan doonnaa go’aanka xasaasiga ah ee Trump uu Qudus ugu aqoonsaday Caasimadda Maamulka Israel.

LEAVE A REPLY

Please enter your comment!
Please enter your name here