GOOS-GOOSKA: Real Madrid Oo Lagu Dhagay, Ramos Oo Casaan Qaatay & Zidane Oo Cadaadiska Kusii Kordhay

0
60

Real Madrid ayaa seegtay fursadii ay ugu dhawaan laheyd hogaanka horyaalka La Liga kooxda heysa ee Barcelona kadib markii ay barbaro la gashay kooxda Athletic Bilbao.

Kulankii ka dhacay garoonka dhibka badan ee San Mames ayaa kusoo dhamaaday barbaro goolal l’aan ah, taasoo dhabar jab weyn ku aheyd kooxda Los Blancos.

Karim Benzema ayaa fursadii ugu weyned ka qasaariyay kooxdiisa, weeraryahanka reer France ayaana garaacay birta qeybta hore ee ciyaarta.

kooxda Zinedine Zidane ayaa raadineysay guul kulanka ay booqdeen xalay kooxda ka dhisan gobolka Basque, laakiin natiijo lama filaan ah ayay kasoo heleen.

Cristiano Ronaldo ayaa ku dhawaa inuu goolka guusha u dhaliyo kooxdiisa markii uu helay kubad furan oo goolka hortiisa ah qeybtii labaad ee ciyaarta, lakiin kama faa’iideysan.

Rajada kooxda Real Madrid ayaa sii dhimatay markii casaan loo taagay kabtankooda Sergio Ramos kaasoo suxul wajiga kaga dhuftay weeraryahanka Athletic Bilbao Aritz Aduriz.

Guud ahaan ciyaarta ayaa kusoo dhamaatay barbaro 0-0 ah, waxaana tani ay ka dhigan tahay in weli labada koox ee Barcelona iyo Real Madrid oo toddobadkaan taako loo wada dhigay aysan wax isbedel ah sameyn.

DAAWO GOOS-GOOSKA CIYAAARTA

 

LEAVE A REPLY

Please enter your comment!
Please enter your name here