Hadal Heynta Bandhigii David de Gea Ee Kulankii Arsenal Oo Qabsatay Baraha Bulshada Xili Goolhayaha Spain Wax Ka Bedelay Taariikhda Premier League

0
19

Goolhaye David de Gea ayaa ka dhigay rikoor cusub horyaalka Premier League, kadib markii uu badbaadiyay 14 kubad oo halis ah ciyartii Manchester United ay 3-1 kaga badisay xalay kooxda Arsenal.

Ciyaaryahanka heerka caalami ee dalka Spain ayaa qaab ciyaareed cajiib ah sameeyay, iyadoo Jesse Lingard uu laba gool ka dhaliyay garoonka.

Manchester United ayaa haatan shan dhibcood ka dambeysa hogaamiyeyaasha horyaalka iyo kooxda ay isku magaalada yihiin ee Manchester City ka hor kulanka Manchester Derby-ga Old Trafford.

De Gea ayaa si fantastik ah u joojiyay kubad Romelu Lukaku si qaldan isaga dhalin lahaa dhamaadka qeybtii hore ee ciyaarta, waana badbaadintii ugu weyneyd ee uu ka sameeyay garoonka.

Goolhayaha United ayaa sidookale badbaadin weyn ka sameeyay weeraryahanka Arsenal Alexandre Lacazette, iyadoo islamarkiiba si dhaqso ah uu lugtiisa midig ugu saaray halis kale oo ka timid Alexis Sanchez.

Goolhaye De Gea ayaa haatan ka dhaqaaqay rikoorka ay wadaagaan labada goolhaye ee Tim Krul iyo Vito Mannone, waxaana goolhayaha Spain uu noqday mid sameeyay badbaadintii ugu badneyd tan iyo markii la bilaabay in la diiwaan geliyo xogta Premier League xilli ciyaareedkii 2003-04kii.

 

LEAVE A REPLY

Please enter your comment!
Please enter your name here