Kaarkii Casaa Ee Xalay Loo Taagay Kabtanka Real Madrid Sergio Ramos Oo Wax Ka Bedelay Taariikhda La Liga

0
41

Sergio Ramos ayaa rikoor cusub oo kaararka casaanka ah u dhigay horyaalka La Liga ka dib markii uu qaatay casaankiisii 19aad kulankii barbaraha 0-0 kooxdiisa la gashay xalay Athletic Bilbao.

31 jirkaan ayaa xusul wajiga kaga garaacay daqiiqadii 86aad ee ciyaarta kulankii San Mames weeraryahanka Athletic Bilbao Aritz Aduriz .

Ramos ayaa loo taagay casaankiisii labaad ee xilli ciyaareedkaan, wuxuuna haatan dhaafay rikoorkii casaan qaadashada ee daafacii hore ee Barcelona iyo Sevilla Pablo Alfaro iyo halyeeyga Real Zaragoza Xavi Aguado.

Daafacaan ayaa xalay ciyaaray isagoo waji maaskaro kusoo xirtay kadib markii uu kasoo laabtay jab kasoo gaaray sanka kulankii Atletico Madrid ee laba todobaad ka hor.

Hase yeeshee, casaankii ugu dambeeyay ee Ramos ayaa niyad jabka ku ah kooxda Zinedine Zidane oo hadda lix dhibcood ka dambeysa Barcelona oo hogaamineysa horyaalka La Liga.

 

LEAVE A REPLY

Please enter your comment!
Please enter your name here