Qiimeynta Ciyaartoyda Kulankii Ay Barcelona Ceebeysatay Real Madrid Ee Santiago Bernabeu – Kumaa Ahaa Xiddiga Garoonka?

0
14

Sannadka weli ma uusan dhamaanin laakiin tartanka xilli ciyaareedka 2017-18 ee horyaalka La Liga waa uu soo dhamaaday.

Ka dib guushii ay ku gaareen Santiago Bernabeu maanta, Barcelona ayaa haatan 14 dhibcood hogaanka kaga heysa Real Madrid, waxa ay sagaal dhibcood ka sareeyaan kooxda kaalinta labaad ku jirta ee Atletico Madrid.

 

Waxaa intaas sii dheer ma jirto tilmaamo muujinaya inay sibxan doonaan halka Real Madrid uu ka muuqdo hoos u dhac weyn ka dib guulahoodii xilli ciyaareedkii la soo dhaafay.

Goolal ay kala dhaliyeen Luis Suarez, Lionel Messi iyo Aleix Vidal ayaa keentay inay Barcelona 3-0 ku xaaqdo Real Madrid oo marti loo ahaa, iyadoo bartamihii qeybta labaad uu Real Madrid casaan toos ah ka qaatay Dani Carvajal kaasoo gacanta ku celiyay kubada goolka ku sii socotay.

Xiddiga Garoonka – Lionel Messi (Barcelona)

Sawirka Messi ayaa berri qabsan doona bogaga hore ee wargeysyada isboortiga ka dib wacdirihii uu maanta ku soo bandhigay garoonka Bernabeu. Lionel Messi ayaa inta badan abuuray fursadihii ay heshay Barcelona maanta, waxa uu dhaliyay goolka rigoorada ee ciyaarta dilay kana dhigay 2-0, waxaana uu caawiye ka ahaa goolkii seddexaad ee dhamaadkii ciyaarta uu dhaliyay Aleix Vidal.

Paulinho ayaa isna xusid mudan sida uu maanta wacdaraha u dhigay dhowr fursadood oo dahabi ah ayuu helay iyadoo Lionel Messi uu fursadaas soo abuuray. Laakiin Paulinho ayaa muhim ka noqday kooxda Valverde xilli ciyaareedkan.

Qiimeynta Ciyaartoyda

Real Madrid – Navas 4, Carvajal 4, Ramos 5, Varane 5, Marcelo 6, Kroos 6, Modric 6, Casemiro 4, Kovacic 5, Ronaldo 6, Benzema 5.

Bedel – Bale 6, Asensio 5, Nacho 5.

Barcelona – Ter Stegen 7, Roberto 7, Pique 7, Vermaelen 7, Alba 6, Rakitic 8, Busquets 7, Paulinho 8, Iniesta 7, Messi 8, Suarez 7.

Bedel – Gomes 5, Semedo 5, Vidal 6.

 

LEAVE A REPLY

Please enter your comment!
Please enter your name here