Thursday, December 14th, 2017
Advertisements
Advertisements

Taariikhda Hooyaddii Fanka Soomaaliyeed ee Gudoodo Carwo oo maanta Hargeysa lagu aasay

Published on December 7, 2017 by   ·   No Comments

Haweenaydii ugu horeysay ee fanka Soomaaliyeed meel fakaare ah ka heesta Marxuumad Shamis Abokor Ismaaciil ee loo yaqaan Guduudo Carwo ayaa saaka ku geeriyootay magaalada Hargeysa ,islamarkaana Aas Qaran loogu sameeyey.

Guduudo Carwo ayaa ahayd gabadhii ugu horeysay ee af soomaali ku heesta qiyaastii 1950-aadkii, wakhtigaasi oo soomaalidda dhexdeedda fanku ceeb ku ahaa, waxaanay noqotay hooyadda hablaha fanaaniinta ah.

Inkastoo muddo dheer iskaga hadhay Fanka,isla markaana xanuun u jiiftay labaatankii sannadood ee la soo dhaafay, waxaanay joojisay guud ahaan fanka, iyadoo aad u necbaatay heesaheeda in la dhagaysto iyo in xaga fanka laga waraysto, waxaanay mar walba odhan jiray waxay ahayd casri jaahilidii,isla markaana ku dooday in haddii ay sida hadda diinta u baratay u taqaano aanay fanka gasheen.

Sida ay noo sheegeen dadkii ka ag dhowaa Guduudo Carwo waxay sheegeen in 21-kii sano ee u dambeeyay u jiiftay xanuun kasoo dhinacay qalalka, Sanadkii 1952 ayay kusoo biirtay bahda fanka Soomaaliga, dadka taariikhda fanka ka warama waxay sheegaan inay ahayd gabadhii u horeysa ee Soomaalida goob fagaare ah ka heesta islamarkaana idaacada laga dhageysto. waxaa dadka u dhow ay sheegaan inaanay fanaanadu caruur ka tagin.

Guduudo Carwo waxaa ay dad badan oo Soomaali ah ku xusuustaan heesihii ay qaadi jirtay iyo kaalintii ay ku laheyd in fanka Soomaalidu dhinaca dumarka ka dhismo, waxa lagu xasuusta heeso iyada loo qaaday oo la odhan jiray Guduudo Carwooy gu’gii la arkaba yaa gashaati ka dhiga, waxa kale oo iyana jirta maahmaah magacyadeeda lagu soo dari jiray, waxaanay ahayd shakhsi xaga fanka looga dambeeyo.

Shamis Abokor Ismaaciil “Gudoodo Carwo” waxaa ay dhimatay iyadoo 82 jir ah, waxaanay mudooyinkii u dambeeyey ku nooleed magaalada Hargeysa.

Sidoo kale, waxay ku dardaarantay in marka ay dhimato laga sheekeen fankeeddii iyo in aan heesaheedii la dhagaysan sida uu warbaahinta u sheegay Abwaan Aadan Tarabi oo ka hadlayey aaskii loo sameeyey marxuumadda.

Dhinaca kale, Madaxweynaha la doortay ee Soomaliland Muuse Biixi Cabdi ayaa tacsi tiiraanyo leh u dirayaa qoyska, qaraabada, ehelada, bahda fanka iyo guud ahaan shacabka reer Somaliland ee ay ka baxday Alle ha u naxariistee Fannaanadii caanka ahayd ee Shamis Abokor Ismaaciil (Guduudo-caro) oo ku geeriyootay Hargeysa.

“Marxuumad Shamis Abokor Ismaaciil (Guduudo-carwo) oo ahayd hooyadii fanka Soomaalida, isla markaana ahayd gabadhii u horraysay ee Soomaaliyeed ee ka heesta idaacad, waxay caan ku ahayd heesihii Soomaalida ee loo yaqaanay Qaraamiga, waxaanay hormood u ahayd horumarintii fanka Soomaalida.”ayaa lagu yidhi qoraal ka soo baxay xafiiska madaxweynaha cusub Biixi.

Madaxweynaha cusub waxa uu ku sifeeyey Marxuumad Shamis Guduudo-carwo mid ka mid ahayd xidigihii ifiyey ee horumariyey fanka Afka Soomaaliga oo ka baxday dhammaan dadka Soomaalida ah, isla markaana waxa uu xusay inay ahayd addoon wanaagsan oo aad u cibaado badnayd.

Madaxweynuhu waxa uu Marxuumadda Alle uga baryayaa inuu jannadiisa Firdowsa ka waraabiyo, qoyska, qaraabada, ehelka iyo shacabkana uu Samir iyo Iimaan Saadiq ah ka siiyo. Aamiin….Aamiin….Aamiin.

Inaalilaahi waa inaahu raajucuun qof waliba wuu dhadhaminayaa geeridda, waxaana ilaahay u baryeynaa inuu janadda geeyo inagana samir iyo iimaan inaga siiyo.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

{DAAWO SAWIRADA} Muhtaar Roobow Abuu Mansuur oo gaaray magaalada Kismaayo

December, 13, 2017
Mukhtaar Roobow Abuu Mansuur oo mudooyinkii ugu danbeeyay safarro kala duwan ku marayay qeybo ka tirsan gobollada Bay ...

Deg Deg Dagmada Qoryooley Oo Laga Hirgaliyay Nalalka Ku Shaqeeya Cadceeda

December, 13, 2017
Deg Deg Dagmada Qoryooley Oo Laga Hirgaliyay Nalalka Ku Shaqeeya Cadceeda