RASMI: Tababarihii Toddobaad Oo Laga Ceyriyay Kooxaha Premier League Xili Ciyaareedkaan

0
5

Mark Hughes ayaa laga ceyriyay shaqada tababare ee kooxda Stoke City saacado ka dib markii ay kooxda guuldarro kala kulantay FA Cup wareegiisa seddexaad kooxda Coventry City.

Shan guuldarro ayaa soo gaartay todobadii kulan ee ugu dambeysay Premier League kooxda taasoo keentay in ay fariistaan kaalinta ugu hooseysay horyaalka.

Tababare Hughes oo ah 54-jir, wuxuu ahaa maamulka Potters muddo afar sano iyo bar ah.

Stoke oo la ciyaareysa United 15ka Janaayo, ayaa weli magcaabin macalinka cusub ee kooxda hogamin doona, laakiin war kasoo baxay kooxda ayaa lagu sheegay in sida ugu shaqsiyaha badan loo magcaabayo tababaraha cusub ee kooxda.

Qeyb ka mid ah taageerayaasha Stoke ayaa soo dhaweeyay ceyrinta tababare Mark Hughes oo kujiray xili ciyaareedkiisii ugu xumaa.

Ka dibĀ  markii 200-kulan uu hogaamiyay tartamada oo dhan, Hughes ayaa laga ceyriyay shaqada kooxda Stoke City.

Hughes waa tababarihii toddobaad ee kooxaha Premier League laga ceyriyay xilli ciyaareedkan.

 

LEAVE A REPLY

Please enter your comment!
Please enter your name here