Sunday, January 21st, 2018
Advertisements
Advertisements

Saxiixa Cusub Ee Barcelona Yerry Mina Oo Ka Hadlay Dareenkiisa Kadib Markii Lasoo Bandhigay & Madaxweyne Josep Maria Bartomeu Oo Isna Ka Hadlay.

Published on January 13, 2018 by   ·   No Comments

Barcelona ayaa soo bandhigtay saxiixeeda cusub Yerry Mina maanta, waana saxiixeedii labaad ee suuqa jiilaalka madama ay horay u xaqiijiyeen saxiixa Philippe Coutinho.

Daafaca reer Colombia wuxuu ku tilmaamay kooxdiisa cusub midda ugu wanaagsan aduunka, sidoo kalana wuxuu yimid magaalada Barcelona isagoo la mideysan aabahiis, adeerkiis/wakiilkiisa iyo sidoo kale qareenkiisa.

“Aad baan ugu faraxsanahay inaan joogo Barcelona, waxaan u mahad celinayaa dhamaan dadkii suuragalka ka dhigay inaan imaado kooxda ugu wanaagsan aduunka” ayuu ku bilaabay Yerry Mina shirkiisa jaraa’id.

“Waxaan doonayaa inaan wax badan ka barto saaxiibadeyda kooxda sidoo kalana aan qeybteeda ka geysto”

“Haatan waa waqtigii aan wax baran lahaa, inaan wax ku guuleysto sidoo kalana kooxda aan ka dhigo mid wanaagsan”

“Dhulka ayaan ku heyn doonaa lugaheyga, indhaheygana samada ayaan ku eegi doonaa”

“Ma hayo erayo aan ku qeexo sida aan u faraxsanahay”

Dhanka kale madaxweyne Josep Maria Bartomeu ayaa dhawr eray ka sheegay goobta lagu soo bandhigay xidiga ugu dheer Barcelona.

“Yerry Mina waa xidig leh xirfad dabiici ah sidoo kalana goor hore safar dheer oo kubadda cagta ah galay” ayuu yiri Bartomeu.

“Waxaan rajeyneynaa inuu wax badan kusoo kordhiyo kooxda taasoo taageerayaasha ka dhigta kuwa faraxsan sanadaha soo socda”

“Waa ciyaariyahankii ugu horeeyay ee Colombia u dhashay oo qeyb ka noqda kooxda koowaad ee Barcelona taariikhda”

“Waxaan rajeyneynaa inuu sanado badan nala joogo, waxaan rajeynaa in Colombia ay ku faanto isla markaana taageerto”

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

Deg Deg Gudoomiye Thaabin Oo Iskumagacaabay Xilka Gudomiyaha Gobolka 2sano Ee Soosocota

January, 21, 2018
Deg Deg Gudoomiye Thaabin Oo Iskumagacaabay Xilka Gudomiyaha Gobolka 2sano Ee Soosocota

Maxaa sababay Xilka Qaadista Gudoomiyaha Gobolka Banaadir?

January, 21, 2018
Madaxweynaha Soomaaliya, Maxamed Cabdullaahi Farmaajo, ayaa xilka gudoomiyaha gobolka Banaadir u magacaabay Cabdiraxmaan Cismaan Cumar (Injineer Yariisow), kaas ...