Wasaaradda Maaliyadda Somaliland oo la wareegtay kastamkii Tukaraq

0
15
SONY DSC

Wasaaradda Maaliyadda Maamulka Somaliland ayaa xafiis ka furatay Magaalada Tukaraq oo todobaadkii hore Ciidamada Somaliland ay kala wareegeen kuwa Maamulka Puntland.

Saraakiil ka socda Wasaaradda Maaliyadda Maamulka Somaliland ayaa gaaray tuulada Tukaraq waxaana ay alkaas ka hirgeliyeen xafiirka Canshuuraha ee Kastamka Magaalada Tukaraq halkaas oo wasaaraddu ay ku qaadi doonto canshuurta.

Isku duwaha Wasaaradda Maaliyadda Somaliland ee Gobolka Sool oo goobta ka hadlay ayaa sheegay in wasaaradda maaliyadda gaar ahaan laanteeda Gobolka Sool ay halkaas ka billaabeyso canshuur qaadista islamarkaana SOmaliland ay meel ka mid ah dhulkeedii tagtay oo ay howlihii adeegyada shacabka ka qabaneyso.

Mahad Cilmi Anqaashe oo ah Taliyaha Ciidamada qeybta 7aad ee Somaliland ayaa isna goobta ka sheegay in Ciidamada Somaliland ay dhallinyaro la qalday sida uu sheegay kula dagaallameen Tukaraq islamarkaana 25 ka mid ah ay Maxaabiis ahaan u hayaan.

Waxaa uu Puntland ugu baaqay in ay dhibaatada joojiyaan Tukaraqna ay ka mid tahay degaannada Somaliland,dhinaca kale waxaa uu sheegay in Laas Caanood ay tahay Magaalo sida uu yiri laga xoreeyay Puntland sanado ka hor mar kalena aan dib ugu laabaneyn gacanta Maamulka Puntland.

LEAVE A REPLY

Please enter your comment!
Please enter your name here