{DAAWO SAWIRADA} Toogasho haween lagu laayey oo ka dhacday kaniisad ku taalla gobolka Dagestan

0
53

Ugu yaraan Shan haween ah ayaa lagu diley weerar ka dhacey kaniisad ku taalla gobolka Dagestan ee dalka Ruushka.

Waxaa dhaawacmey shan kale, oo ay ku jiraan sarkaal booliis iyo mid ka mid ah ilaalada kaniisada.

Nin hubeysan ayaa la sheegay inuu rasaas oodda uga qaaday dad kasoo baxayey kaniisadaasi oo ku taalla magaalada Kizlyar.

Qofkii weerarka soo qaadey ayaa lagu toogtay goobta. Waxaa la ogaadey inuu ahaa 22 jir lagu magacaabo Khalil Khalilov, oo ka tirsanaa dadka degaanka Dagestan.

Kooxda isku magacawday Khilaafada Islaamka, ayaa sheegatay inay mas’uul ka ahaaayeen weerarkan, ha yeeshee ma aaney soo bandhigin wax cadeynaya iney iyagu ka danbeeyeen.

baadari heysta madhabka Orthodox ee diinta Christian-ka ayaa sheegay inuu weerarku dhacey wax yar uun ka dib markii ay dhammaaday wacdi.

“khudbadihii markii aynu dhameynay  dadkiina ay isu diyaariyeen iney ka baxaan kaniisaddii ayaa Nin gar leh ku soo orday dhanka iyo kaniisadda, isagoo ku dhawaaqaya kalmadda Allaha Abkar wuxuuna diley afar qof,” sidaasi waxaa yiri baadarigii.

LEAVE A REPLY

Please enter your comment!
Please enter your name here