Thursday, May 24th, 2018
Advertisements
Advertisements

Khilaaf ka taagan xilka qaadista Taliye C/xakiin

Published on February 12, 2018 by   ·   No Comments

Guddiga Amniga ee Gobolka Bari ee Maamulka Puntland ayaa 8-dii February sheegay in ay xilkii ka qaadeen C/xakiin Yuusuf Xuseen oo ahaa Taliyihii qeybta Booliska Gobolka Bari.

Guddiga ayaa sheegay sababta arrintan ay u sameeyeen in ay tahay kadib markii ay xil gudasho la’aan ku arkeen Taliyaha, lixdii bilood ee la soo dhaafayna uusan wada shaqeyn wanaagsan la lahayn maamulka.

Xubnaha Guddiga amniga ayaa waxa ay kala yihiin Wasiirka Dekadaha Siciid Maxamed Raage, Taliyaha Asluubta Gen. Cali Nuur Cumar, Gudoomiyaha Gobolka Barri Yuusuf Maxamed wacay (Dhedo) iyo Gudoomiyaha degmada Bosaso Yaasin Mirre.

Markii warqadaas ay soo baxday ayaa waxaa ka hadlay Taliye C/xakiin Yuusuf Xuseen oo sheegay in Guddiga Amniga aysan xilka qaadis ku sameyn Karin isaga, wuxuuna tilmaamay in shaqadiisa uu wadanayo, ilaa uu helo amarka Madaxda sare.

Wasiirka Amniga Puntland Axmed C/lkaahi Yuusuf oo maanta tagay magaalada Boosaaso, sidoo kalena warbaahinta la hadlay ayaa sheegay ujeedka ay u yimaadeen magaalada Boosaaso inuu yahay in arrintan ay baaris ku sameeyaan.

Wuxuu sheegay Wasiirka Amniga arrintan go’aankeeda ugu dambeeya in warbaahinta ay la soo wadaagi doonaan, balse hada ay wadaan baaris, wuxuu soo hadal qaaday xaalada amni ee Boosaaso, wuxuuna sheegay in Ciidamada ay kordhinayaan Howlgalkooda.

Ururka Al-shabaab ayaa kordhiyay weerarada Qaraxyada ah ee ay ka geysanayaan magaalada Boosaaso, waxaa ugu dambeeyay weerarkii habeeno kahor lagu qaaday saldhiga Booliska Boosaaso, oo lagu dhaawacay Ciidamo.

Wixii Faahfaahin Dheeraad Ah Nagala Soo Xiriir

hiranweyn@gmail.com

makaran@hiiraanweyn.net

radiohiranweyn@gmail.com

Readers Comments (0)




TOOS U DHAGEYSO RADIO HIRANWEYN

Hiran Media Center

latest News

Faah Faahin Xildhibaan ka tirsan Barlamaanka Puntland oo goor dhaw lagu dilay Magaalada Gaalkacyo

May, 23, 2018
Sida ay sheegayaan Wararka naga soo gaaraya degmada Gaalkacyo ayaa sheegaya in rag hubeysan goor dhaw halkaa ku ...

Wasaaradda amniga oo Faah faahin kabixisay rag maanta lagu toogtay Muqdisho

May, 23, 2018
Wasaaradda amniga xukuumadda federaalka Soomaaliya ayaa waxa ay faah faahin ka bixisay laba dhalinyaro ah oo maanta ciidanka ...