Kylian Mbappe Oo Niyada U Qaboojiyay Cristiano Ronaldo Ka Hor Kulanka Paris Saint-Germain

0
17

Cristiano Ronaldo ayaa hoos u dhac sameeyay xilli ciyaareedkan, laakiin Kylian Mbappe ayaa beeniyay wararka sheegaya in xiddiga Real Madrid hoos u dhac uu ku yimid qab ciyaareedkiisii caadiga ahaa.

Ronaldo ayaa ka hooseeya heerkiisii caadiga ah xilli ciyaareedkan, waxaana uu dhaliyay kaliya sideed gool 17 kulan oo uu La Liga kasoo muuqday.

Laakiin xiddiga reer Portugal ayaa dhaliyay sagaal gool lix kulan oo Champions League uu u saftay kooxdiisa Real Madrid oo wareega 16ka kula ciyaareysa kooxda ka dhisan France ee PSG.

Isagoo hadlayay ka dib markii kooxdiisa ay 4-1 kaga badisay Sochaux Talaadadii, Mbappe ayaa hoos u dhigay wararka sheegaya in 33-jirka Real Madrid hoos u dhac weyn ka muuqan waqtigaan.

“Ronaldo ma ahan mid hooseeya waqtigaan, haddii uu hoos u dhac kujiro isaga, ciyaaryahano badan oo ayaa la mid noqon doona ayuu hadalkiisa ku daray Kylian Mbappe.

“Waa ciyaaryahan weyn, laakiin waxaan rajeyneynaa inuusan sameyn nagu yeelan doonin kulanka aan wajaheyno kooxda Real Madrid.

“Waxaan isku diyaarineynaa ciyaarta Real Madrid oo ah mid ka mid ah awoodaha dunida.”

Lugta koowaad ee wareega 16ka Real Madrid iyo Paris Saint-Germain waxaa lagu ciyaari doonaa Magaalada Madrid 14 February.

 

LEAVE A REPLY

Please enter your comment!
Please enter your name here